Handai Na Subong ang Medikal nga Emerhensia

Ngaa dapat ini handaan? Kay ang medikal nga mga emerhensia posible matabo sing hinali kag sing wala ginapaabot. Gani antes pa ini matabo, handai na ini sing maayo para mabaton mo ang pinakamaayo nga pagbulong. Kon himuon mo ini, ginapakita mo nga ginapabaloran mo ang kabuhi kag ginatuman mo ang kasuguan ni Jehova parte sa dugo.—Bin 15:28, 29.

Paano mo ini mahandaan?

• Mangamuyo kag mahalungon nga pil-api ang durable power of attorney (DPA) nga card.a Ang bawtismado nga mga manugbantala puede makapangayo sing DPA nga card sa ila literature servant kag sing Identity Card (ic) para sa ila menor de edad nga kabataan

• Kon nagabusong ka, mangayo sa inyo mga gulang sing kopya sang Impormasyon Para sa mga Nagabusong (S-401). Makabulig ini sa imo nga makahimo sing maayo nga desisyon sa pagpabulong kon magkaproblema ka sa tion sang pagbusong kag pagbata

• Kon kinahanglan mo ang paagi sang pagbulong nga mahimo nagagamit sing dugo ukon kinahanglan mo i-admit sa ospital, abanse nga pahibalua ang inyo mga gulang kag pahibalua man ang ospital nga bisitahon ka sang isa ka ministro sang mga Saksi ni Jehova

Ano ang mabulig sang mga gulang? Puede ka nila buligan sa pagpil-ap sang DPA card. Pero, indi sila ang magadesisyon para sa imo kag indi man nila pag-ipabutyag ang ila personal nga opinyon sa mga butang nga dapat desisyunan sang kada indibiduwal. (Ro 14:12; Ga 6:5) Kon pahibaluon mo ang inyo mga gulang nga kinahanglan mo magpabulong kag mahimo magadalahig ini sing dugo, kontakon nila dayon ang Hospital Liaison Committee (HLC) para sa imo.

Ano ang mabulig sang HLC? Ang mga brother sa HLC ginhanas para buligan ang mga doktor, hukom, abogado, kag iban pa nga mahangpan ang aton tindog parte sa pagpabulong nga nagagamit sing dugo. Puede nila mabinagbinag sa imo mga doktor ang mga paagi sang pagbulong nga indi kinahanglan sing dugo. Kon kinahanglanon, puede ka nila buligan mangita sing doktor nga handa magakooperar sa imo desisyon.

TAN-AWA ANG VIDEO NGA PAANO KA MAKAHIMO SING MGA DESISYON PARTE SA PAGPABULONG NGA NAGAGAMIT SANG DUGO?, DAYON SABTI ANG MASUNOD NGA MGA PAMANGKOT:

• Ano ang natun-an mo sa video nga makabulig sa imo sa paghanda para sa medikal nga emerhensia nga nagadalahig sang dugo?

  Imo sabat