PAGKABUHI BILANG CRISTIANO
Mga Manugbantay nga Nagapanghikot Para sa Kaayuhan sang Katawhan ni Jehova
Madamo nga tawo ang wala sing salig sa mga may awtoridad. May rason man sila kon ngaa amo sina ang ila ginabatyag. Halin pa sang una, ginaabusuhan sang mga tawo ang ila awtoridad para mamentaha. (Miq 7:3) Nagapasalamat gid kita kay nahanas ang mga gulang sa kongregasyon nga gamiton ang ila awtoridad para sa kaayuhan sang katawhan ni Jehova.—Est 10:3; Mat 20:25, 26.
Indi pareho sa mga may awtoridad sini nga kalibutan, ginatinguhaan sang mga gulang nga himuon ang ila responsibilidad bilang mga manugtatap bangod sa ila gugma kay Jehova kag sa iya katawhan. (Ju 21:16; 1Pe 5:1-3) Ginasunod sini nga mga manugbantay ang panuytoy ni Jesus kag ginabuligan nila ang kada manugbantala nga magbatyag nga bahin sila sang pamilya ni Jehova kag magpabilin nga suod sa iya. Ginapalig-on nila dayon ang mga karnero ni Jehova kag ginabuligan sila kon may medikal nga emerhensia ukon may kalamidad. Kon kinahanglan mo sang bulig, indi mahuya nga magpalapit sa isa sa mga gulang sang inyo kongregasyon.—San 5:14.
TAN-AWA ANG VIDEO NGA MGA MANUGBANTAY NGA NAGAULIKID SA PANONG, DAYON SABTI ANG MASUNOD NGA MGA PAMANGKOT:
Paano ginbuligan si Mariana sang mga gulang?
Paano ginbuligan si Elias sang mga gulang?
Sa tapos mo matan-aw ini nga video, ano ang ginabatyag mo sa mga ginahimo sang mga gulang?