Masarangan Naton nga Dulaon ang Dumot!

Bisan pa wala mo ini naeksperiensiahan, posible nga nakita mo na ini sa imo palibot. Pirme ginabalita nga may mga tawo nga ginamaltrato bangod lamang lain ang ila pungsod ukon rasa, ukon bangod mga homoseksuwal sila. Bilang resulta, madamo nga gobierno ang naghimo sang mga kasuguan kontra sa mga krimen bangod sa dumot.

Ang mga tawo nga nagaantos bangod ginadumtan sila, masami nga nagadumot man sa iban. Ang mga biktima masami nga nagabalos, kag amo ini ang rason sang wala untat nga pagdumtanay.

Posible nga nakaeksperiensia ka sing diskriminasyon, pagpakalain, pagpang-insulto, kag pagpamahog. Pero indi lang amo sina ang resulta sang dumot. Kay man sa masami, ang dumot man ang rason sang pagpang-bully, paghalit sang propiedad sang iban, pagpanakit, pagpanglugos, pagpamatay, ukon pag-ubos pa gani sang isa ka rasa.

Binagbinagon sa sini nga magasin ang masunod nga mga pamangkot kag ang mga puede himuon para madula ang dumot:

• Ngaa madamo ang nagadumot?

• Paano matapos ang wala untat nga pagdumtanay?

• Maabot bala ang tion nga wala na sing pagdumtanay?