Gamita ang mga Marginal Reference

Ang mga marginal reference sa Bag-ong Kalibutan nga Badbad sang Balaan nga Kasulatan nagapakita nga nagasantuanay ang mga teksto sa Biblia. Paagi sini, makita mo ang iban pa nga teksto nga nagaunod sang dugang nga mga impormasyon. Ang marginal reference amo ang magagmay nga mga letra sa punta sang isa ka tinaga. Kon nagagamit ka sang naimprinta nga Biblia, pangitaa ang letra sa tunga nga column nga pareho sa letra sa punta sang isa ka tinaga. Kon jw.org ukon JW Library^® nga app ang imo ginagamit, pinduta ang gamay nga letra sa punta sang isa ka tinaga para makita mo ang mga teksto nga naangot sa sini.

Ari ang pila sa makita mo kon pinduton mo ang marginal reference:

Pareho nga hitabo: Makita sa marginal reference ang iban pa nga teksto nga nagasugid sa pareho nga hitabo. Halimbawa, basaha ang 2 Samuel 24:1 kag 1 Cronica 21:1.

Kon diin ini ginkutlo: Makita sa marginal reference kon diin ginkutlo ang ekspresyon sa isa ka teksto. Halimbawa, basaha ang Mateo 4:4 kag Deuteronomio 8:3.

Katumanan sang tagna: Ginaangot sang marginal reference ang isa ka tagna kag ang katumanan sini. Halimbawa, basaha ang Mateo 21:5 kag Zacarias 9:9.