Nakita Nila ang “Malahalon nga Perlas”

Gintudlo ni Jesus nga solbaron sang Ginharian sang Dios ang tanan nga problema sang mga tawo. (Mateo 6:10) Sa Mateo 13:44-46, naghatag sia sang duha ka ilustrasyon para ipakita ang balor sang kamatuoran parte sa Ginharian sang Dios:

• May isa ka tawo nga nagaobra sa latagon kag indi hungod nga nakakita sang bahandi nga natago.

• Ang isa ka nagalakbay nga negosyante nga nagapangita sang maayo nga mga perlas nakakita sang isa ka malahalon nga perlas.

Ginbaligya dayon sining duha ka tawo ang tanan nila nga pagkabutang para mabakal ang bahandi nga ila nakita. Ginarepresentar nila ang mga tawo nga nagapabalor gid sa Ginharian amo nga nagahimo sila sang daku nga mga sakripisyo para mabaton ang mga pagpakamaayo sang Ginharian. (Lucas 18:29, 30) Sa sini nga video, tan-awa ang duha ka istorya, nga pareho sa mga tawo sa ilustrasyon ni Jesus.