Posible Bala ang Patas nga Sistema sa Ekonomiya?

Sa madamo nga pungsod, nagaprotesta ang mga tawo kay para sa ila indi patas ang sitwasyon sang ekonomiya. Naglala pa gid ini bangod sa COVID-19 nga pandemic. Nagalalain gid ang mga tawo kay bangod sa lockdown, kakulang sing mga kinahanglanon, kag kabudlayon sa pagpabulong, mas nag-athag sa ila nga daku gid ang diperensia sang mga manggaranon sa mga pigado.

Matapos pa bala ang problema sa ekonomiya nga nagapaantos sa mga tawo? Huo. Ginasugid sang Biblia kon paano dulaon sang Dios ang aton mga problema subong.

Mga problema sa ekonomiya nga dulaon sang Dios

Problema: Ang mga tawo wala pa gid sing may nahimo nga sistema sa ekonomiya nga nakahatag sang mga kinahanglanon sang tanan nga tawo.

Problema: Indi malikawan sang mga tawo ang mga sitwasyon nga ginabangdan sang pag-antos kag kapigaduhon.

Problema: Ang mga tawo pirme lang ginaabusaran kag ginatunto sang mga tawo nga kaugalingon lang ang ginapensar kag sakon.

Solusyon: Matun-an sang mga sakop sang Ginharian sang Dios nga palanggaon ang iban sing labaw pa sa ila kaugalingon.—Mateo 22:37-39.

Resulta: Sa idalom sang paggahom sang Ginharian sang Dios, ang tanan magapakita na sing gugma nga ‘wala nagapangita sang kaugalingon nga kaayuhan.’ (1 Corinto 13:4, 5) Ang Biblia nagsiling: “Indi sila manghalit ukon mangguba sa bug-os ko nga balaan nga bukid, bangod ang duta mapuno sang ihibalo tuhoy kay Jehovaa kaangay sang tubig nga nagahil-ob sa dagat.”—Isaias 11:9.

Ginasugid sang Biblia nga nagakabuhi na kita sa katapusan nga mga adlaw sining sistema sang mga butang. Ginasugid man sini nga sa indi na lang madugay tumanon na sang Dios ang iya promisa nga dulaon ang tanan nga problema sa ekonomiya.b (Salmo 12:5) Samtang wala pa ina natabo, makabulig gid sa imo subong ang mga prinsipio sa Biblia para maatubang mo ang mga problema sa ekonomiya. Halimbawa, basaha ang mga artikulo nga “Ano ang Himuon Mo Kon Kulang ang Imo Ginakita?” kag ang “Balanse nga Pagtamod sa Kuarta.”