Ang Dios Bala Trinidad?

Ang sabat sang Biblia

Madamo nga Cristiano nga relihion ang nagatudlo nga ang Dios Trinidad. Pero talupangda ang ginasiling sang Encyclopædia Britannica: “Ang tinaga nga Trinidad ukon ang doktrina sini indi mabasa sa Bag-ong Testamento . . . Amat-amat lang ini nga nahuman sa sulod sang pila ka siglo kag nag-agi sa madamo nga debatihay.”

Ang matuod, ang Dios wala gid ginalaragway sa Biblia subong bahin sang Trinidad. Talupangda ang masunod nga mga teksto sa Biblia:

“Si Jehova nga aton Dios isa gid lang nga Jehova.”—Deuteronomio 6:4.

“Ikaw, nga ang ngalan amo si Jehova, ikaw lamang ang Labing Mataas sa bug-os nga duta.”—Salmo 83:18.

“Ini nagakahulugan sang kabuhi nga walay katapusan, ang pagkilala nila sa imo, ang lamang matuod nga Dios, kag sa imo ginpadala, si Jesucristo.”—Juan 17:3.

Ngaa madamo nga Cristiano nga relihion ang nagasiling nga ang Dios Trinidad?