Madumduman Mo Bala?

Nasapwan mo bala ang ulihi nga mga guwa sang Ang Lalantawan nga mapuslanon sing praktikal? Nian tan-awa kon madumduman mo ang masunod:

◻ Ano ang kahulugan sang pagtanda para sa kaluwasan sang matagnaon nga lalaki nga may tintirohan sang sekretaryo sa palanan-awon ni Ezequiel? (Ezequiel 9:2-6)

Nagakahulugan ini nga gindedikar niya sa Dios ang iya kaugalingon sa paghimo sang kabubut-on sang Dios, ginbawtismuhan subong disipulo ni Jesucristo, kag ginsul-ob ang katulad-Cristo nga personalidad.—4/15, pahina 11, 12.

◻ Ano ang mga katuyuan sang tagna sa Biblia?

Ang mga tagna nagapakilala sang kamatuoran nahanungod sa Dios, sa iya kabubut-on, kag sa iya mga talaksan sa moral. Nagaathag ini sa kaangtanan sang tawo kay Jehova agod ang katawhan mapahisanto liwat sa Iya katuyuan, nga nagadul-ong sa bug-os nga katumanan sini. (Isaias 1:18-20; 2:1-5; 55:8-11)—5/1, pahina 5.

◻ Anong makamamatay nga tiggulutom ang nagalapnag sa bug-os nga duta sa karon?

Ang espirituwal nga tiggulutom, “sang pagpamati sang mga pulong ni Jehova.” (Amos 8:11)—5/1, pahina 10, 11.

◻ Ano ang “kahadlok kay Jehova”? (Hulubaton 1:7)

Amo ini ang maayong kahadlok nga indi mapahamut-an si Jehova bangod ginaapresyar naton ang iya mahigugmaon nga kalulo kag kaayo. Nagakahulugan man ini sang pagkilala kay Jehova subong ang Supremo nga Hukom kag ang Labing Gamhanan, nagasalig sa iya sing bug-os, kag nagadumot sa kon ano ang malain sa iya itololok. (Salmo 2:11; 115:11; Hulubaton 8:13)—5/15, pahina 28.

◻ Ano nga mga giya ang ginabalay sa 1 Timoteo 5 nahanungod sa pag-atipan sa mga tigulang?

Bisan pa nga ang mga katapo sang pamilya ang may nahaunang salabton, ang mga problema tuhoy sa mga tigulang ginakabalak-an sang bug-os nga kongregasyon; ang ila pag-atipan dapat organisahon sing maayo; ina nga pag-atipan dapat latiran sa mga nagakinahanglan gid.—6/1, pahina 9, 10

◻ Ano ang apat ka dalagku nga paagi nga ginaulay ni Jehova ang iya katawhan sa sulod sang nagligad nga 69 ka tuig?

(1) Sa organisasyonal; (2) sa pagpakigbahin sa pag-alagad sa latagon; (3) sa pagdugang sang kapawa sang kamatuoran; (4) sa pagbiya sa dimatinlo nga mga buhat.—6/15, pahina 17-20.

◻ Sa anong duha ka paagi ang tinaga “tindog” gingamit may kaangtanan kay Miguel sa Daniel 12:1?

Si Miguel ginalaragway subong “nagatindog tungod sa mga anak sang imo katawhan.” Si Cristo Jesus may awtoridad sa sini nga bahin tungod sang iya katawhan sa duta kutob sang 1914 sang ginpalingkod sia sa trono subong ang nagagahom nga Hari sang Ginharian sang Dios. Si Daniel nagsiling man: “Sa sadto nga tion magatindog si Miguel.” Nagapatuhoy ini sa iya pagginahom nga nagasulod sa bag-o nga dag-on diin magapanghikot pa sia sa talalupangdon nga paagi agod luwason ang katawhan ni Daniel. Gani, indi sila pagapapason sang tawhanon nga mga pangulohan sa “panag-on sang katapusan” sang hari sang naaminhan kag sang hari sang nabagatnan. (Daniel 11:40-45)—7/1, pahina 18, 19.