Isa Lang Bala ka Maayo nga Tawo si Jesus?

Ang sabat sang Biblia

Si Jesus indi lang isa ka maayo nga tawo. Isa sia ka tawo nga may daku nga impluwensia sa kasaysayan. Talupangda ang ginsiling sang bantog nga mga historian kag manunulat parte sa iya:

“Si Jesus nga taga-Nazaret . . . pat-od gid nga amo ang pinakabantog nga tawo sa kasaysayan.”—H. G. Wells, Ingles nga historian.

“Ang kabuhi [ni Jesus] amo ang may pinakadaku nga impluwensia sa sini nga planeta kag nagadamo pa gid ang nagakaimpluwensiahan.”—Kenneth Scott Latourette, Amerikano nga historian kag awtor.

Ginapakita sang Biblia kon ngaa mas daku ang impluwensia ni Jesus sangsa kay bisan sin-o nga maayo nga tawo. Sang ginpamangkot ni Jesus ang iya mga sumulunod nga suod gid sa iya kon sin-o sia para sa ila, ang isa sa ila husto nga nagsabat: “Ikaw ang Cristo, ang Anak sang buhi nga Dios.”—Mateo 16:16.