Jisas Esi Koru?

Jehova e halaanama e Jisas i puta turu tsiktsiki. 1 Jon 4:9

Te ngilin hasasalaa meira e Jehova, ara gi hengo uranga tara tana katun pan. Mam nen koru e Jehova e kui a töa ensel a tagala koru i heven, be töan kui iena e Adam.

Murinen be Jehova e halaa namen i puta me pose ri Betlehem. E tsinanen e Maria, a töa tahol te ma soho gono nöa mei a tson. Nori i ngöe ien e Jisas.—Jon 6:38.

Pöata te ka ien turu tsiktsiki, Jisas e habutin a markato tere Sunahan. E ka meina a markato hihitaguhu, markato tegi ngil mei a tabi, nu katun e ma matotin la hasusuku ri tanen. E ka meina u tor u tagala. Nonei e taguhur u katun tegi mar lumein u niatei u matskö tere Jehova.

Jisas e kato a markato a niga, kaba u katun i hiomi naien. 1 Pita 2:21-24

Jisas e kato haniga hasir u katun ti siki ne hatötöa hasir u palabir u katun ti mate.

U pal kapan turu lotu i hiomi ne Jisas, taranaha, nonei e habutu a markato a man omi taren na man raranga man gamo ti hatuts rein u katun.

U pal kapan turu lotu i ranga hatagala meiru katun ri Rom tegi atung meien e Jisas bate kato hamate ren.