Nimate Tere Jisas E Katona Naha Tamölö?

Jisas e mate bara te tatei luer a nitöatöa. Jon 3:16

Topisa u lan muruna te mate ie Jisas, u tohalio i na tara u kahokaho i tanen, gabe Jisas e maka i. Jehova e hatöatöa pouts e Jisas.

Murinen be Jisas e butu nei mataru aposel.

Geha, Jehova e hatöatöa pouts e Jisas nonei a töa spirit a tagala te matatei mate ne. U disaipel i röto be Jisas te laseina i heven.

Sunahan e hatöatöa pouts e Jisas be mak nanen a King tara Kingdom tanen. Daniel 7:13, 14

Jisas e mate ba nonei te tatei halaa nena hihol tegi hol pouts ra i u katun. (Matyu 20:28) Tara maroro tara hihol teka, Sunahan e hamatsku a maroro bara te tatei ka nitöara.

Jehova e mak nei Jisas nonei a King tego taratara kap nei u tsiktsiki hoboto. E ka meina 144,000 u katun teka haniga ri tanen te kui gono mei ruien. Nori i ka mam ia turu tsiktsiki be Sunahan e hatake pouts ranen ba nori e luer u nitöatöa i heven. Jisas na u 144,000 i hatake a töa gavman a niga i heven, nonei a Kingdom tere Sunahan.—Revelesen 14:1-3.

Kingdom tere Sunahan nonei te habuteno a paradais turu tsiktsiki. E möa len nou ta katun te möa ta ka, möa ta bes, möa ta raskol na pula. U katun e maasa nitöario.—Song 145:16.