Vimlicas Koj Thiajli Muaj Peevxwm Ntseeg tau phau Vajlugkub
Muaj ibtxhia neeg haistias ciasiab tsis tau rau phau Vajlugkub, mas muaj coobๆ leej los kuj xav ibyam nkausli thiab. Yog lintawd nimno muaj ntau leej tsis quavntsej tej uas Vajlugkub haistias ntseeg tsis tau nqe.
Ho hais txog zajno, tej lus Yexu Kheto tau hais nyob rauhauv nws tej lus thov rau Vajtswv mas yuav ua qib rau tau txaus ntseeg kawg: “Koj txoj lus yog lus tseeb.” Mas phau Vajlugkub kheej ntawd tau lees haistias tshoj losntawm Vajtswv. (Yauhaa 17:17; 2 Timotiam 3:16.)
Koj xav licax txog tejno? Puas muaj lub suab ntxim yuav txaus ciasiab tau rau phau Vajlugkub thiab? Lossis puas yuav muaj tejyam ua rau pom haistias phau Vajlugkub tsis tsosiab tau rau, uas haistias Vajlugkub sib tawmtsam thiab cov lus tsis sibdhos?
Ua Vajlugkub Puas Sib Tawmtsam?
Tabtxawm muaj tej tus tau lees haistias Vajlugkub muaj tej zaj tsis sibdhos, uas puas muaj ibtug twg kiag nthuav qhia ibqho ua pivtxwv rau koj saib? Peb tsis tau pom ibtug twg uas muaj peevxwm tsis kam tshawb xyuas kom tseebๆ. Yeej tseeb, muaj tej zaj hauv phau Vajlugkub pom zooli haistias tsis sibxws. Tiamsis qhov teebmeem ntawd txhuaๆ zaus mas yog qhov paub tsis txog nws tej txujci hais txog paus ntsis thiab cov xwm ntawm lub sijhawm ntawd.
Pivxam lino, muaj ibtxhia yuav xav txog qhov tsis sibthooj xwm hauv phau Vajlugkub, ces yuav nug haistias: “Qha’ee yuav nws tus pojniam qhovtwg los?” Lawv tsuas xav haistias Adaa thiab Havab [Evas] nkawd cov menyuam ces yog Qha’ee thiab Avele xwb. Tiamsis qhov lus xav tau ntawd yog xeeb losntawm qhov tsis totaub txog Vajlugkub tej lus xwb. Phau Vajlugkub tau piav haistias Adaa “yug tau muaj ntau tus tub thiab ntau tus ntxhais.” (Chivkeeb 5:4.) Yog lintawd Qha’ee muab nws cov muam ibtug los ua nws tus pojniam lossis tejzaum nws ibtug ntxhais kwv.
Cov neeg uas xav nrhiav tejqho yuamkev hauv phau Vajlugkub txhua zaus mas tsuas xav xam kom pom tej zaj tsis sibdhos xwb, yog lintawd lawv yuav haistias: ‘Tus sau Vajlugkub, Mataij zaj tau haistias tus thawj tswjfwm tub rog yog tus mus thov Yexu, hos ho hais txog Luka zaj mas haistias yog tau xa ibco tuavcev mus thov Yexu. Zaj twg thiajli yuav yog zaj tiag?’ (Mataij 8:5, 6; Luka 7:2, 3.) Tabsis zajno puas yog qhov sib tawmtsam ma?
Thaum tau haistias muaj ibtug neeg tseemceeb tau ua ibco haujlwm tiav lawd tiamsis qhov tseeb mas yog nws cov tub txib ua xwb, tus neeg uas thoobtsib mas nws yeej yuav tsis lees haistias tej lus no mas yog lus tsis sibdhos. Piv lus lino, koj puas xav haistias zaj xovxwm no tsis yog lawm uas haistias muaj ibtug xeev laus tau ua tiav ibtxog kev leem lojๆ, tiamsis qhov tseeb tiag mas yog cov kws thiab cov tub qhe ua xwb? Koj los yeej tsis xav lintawd los mav. Ibyam nkaus lintawd, yeej yuav tsis yog lus tawmtsam uas thaum Mataij haistias yog tus thawjcoj tub rog ua tus thov Yexu, tabsis ibyam nkausli Luka sau, uas qhov thaum thov Yexu ntawd tau thov losntawm ibco sawvcev.
Thaum paub tau ib nqe zujzus lawm, tej zaj nyob hauv phau Vajlugkub uas pom zooli haistias tsis dhos yeej yuav ploj mus.
Tshooj Keebxwm thiab Kev Tshawb Txujci
Muaj ibzaug dhaulos tau muaj neeg coobๆ leej tsis tshua ntseeg txog tej tshooj keebxwm hauv phau Vajlugkub. Muab lus pivtxwv, kws tsav meej, mas tau nug txog qhov haistias ‘puas yuav muaj cov neeg nyob hauv phau Vajlugkub ntawd tiag ma, xwsli Vajntxwv Xawkoo ntawm tebchaws Asuj, Pela-satxawj ntawm Npaviloo, thiab cov neeg Hlauma tus Lwm Tswjfwm Pontiam Pilato?’ Tiamsis cov kws tshawb txuj tau tshawb txog, ua tau povthawj tseeb haistias cov zaj hauv phau Vajlugkub tau muaj tiag ibzag rau ibzag. Yog lintawd tus kws keebxwm Yawg Moseb Pwlamaa thiajli tau sau: “Tamsis no cov neeg tsis tshuas ntseeg txog tej xwm tseeb xwsli tej tshooj keebxwm hauv phau Vajlugkub Qub twb pib rov hloov lawv lub siab lawm mav.”
Yog haistias peb yuav ntseeg phau Vajlugkub, mas thaum twg phau Vajlugkub tau hais txog, kev tshawb txuj los kuj yuavtsum muaj tseeb raws nkausli nws thiab. Puas yog? Tsis ntev tas losno cov kws tshawb txuj tau tshaj lus cam haistias tagnrho nruab ntuj ntsuab no tsis muaj hauvpaus chivkeeb, uas tau qhia tawmtsam Vajlugkub. Tiamsis tus kws kawm hnub qub Yawg Hlauvw Yagrau saiๆ losno tau qhia txog ibqho txuj tshiab cam piav lino: “Nimno peb pom tau haistias ntawm cov kev kawm txog cov hnub qub uas ua muaj tau povthawj rau peb paub txog qhov chivkeeb ntawm lub qab ntuj no. Tej meejxyuam los kuj txawv, tiamsis cov kws tshawb txuj zaj thiab Vajlugkub zaj hais txog kev chivkeeb mas hais yog ibyam nkaus.” (Chivkeeb 1:1.)
Neeg los ibyam kuj tau hloov lawv tej kev ntseeg xwsli lub cev ntawm lub ntiajteb The World Book Encyclopedia (Lub Ntiajteb Phau Ntawv Txujci) piav haistias: “Cov neeg ncig ntuj ncig teb qhia rau peb haistias lub ntiajteb no mas kheejๆ, tsis yog ua ib daim li ntau tus tau ntseeg tas los.” Tiamsis phau Vajlugkub yeej ibtxwm hais yog los. Dhau li 2,000 xyoo uantej tau muaj cov ncig ntuj ncig teb ntawd, phau Vajlugkub yeej tau hais nyob hauv phau Yasayab 40:22 lino: “Muaj Ibtug uas nws nyob dhau tuaj rau sab saum lub ntiajteb uas ua vojvoog,” lossis xwsli lwm phau txhais hais lino “xwsli Vajtswv tus uas nyob sab saum lub ntiajteb kheejๆ” (Vajlugkub Dawbhuv Lus Thaib, R-73).
Yog neeg pheej yeem kawm kom paub ntxiv, mas yeem muaj povthawj ua rau peb yeem ntseeg phau Vajlugkub ruaj tshaj. Tus pwmtsav qub ntawm cov neeg Nplitaa lub Tsev Puavpheej, Yawg Xw Fledelis Khenyoo tau hais lino: “Tej ntsiab ntawm cov uas kawm nto ntsis tag ntawd tau ua meejๆ txog neeg tej kev ntseeg, haistias yog paub tau tej kev txawj ntse kom ntau ntxiv mus mas tsuas yuav pab tau kom paub qhov tseeb hauv phau Vajlugkub xwb.”
Xub Qhia Uantej Txog Yav Tomntej
Tiamsis peb puas muaj peevxwm ntseeg tau rau phau Vajlugkub cov lus tshaj tawm txog yav tomntej, nrog nws tej lus cogtseg hais txog iblub ‘ntuj tshiab thiab ntiajteb tshiab uas ncajncees’? (2 Pobzeb 3:13; Tshwmsim 21:3, 4.) Yog lintawd, yav taslos uas phau Vajlugkub puas tsa tau ibtug meejmom uas yuav muaj peevxwm hais txog kev ntseeg tsosiab plhuav rau tau? Ntau zaug loslawd [Vajtswv] cov lus xub tau hais khom cogtseg uantej ntau pua xyoo lawd mas yeej tau muaj raws nkausli nws tej lus meejxyuam.
Pivtxwv lino, Vajlugkub tau xub qhia txog qhov ntxeev Npaviloo tus tseemfwv dhau li 200 xyoo uantej uas yuav samsim. Muaj tseeb lintawd, nws twb yeej tau xub hais lawm haistias cov neeg Madaij uas yuav tuaj ibtog nrog cov neeg Pawxiv mas yuav yog cov yeej. Thiab tabtxawm tus Yawg Hlob Kwlaum uas yog neeg Pawxiv tus vajntxwv uas thaum ntawd twb tseem tsis tau yug, Vajlugkub twb yeej xwb qhia haistias nws yuav yog tus ntaus yeej thaum nws tuaj txeeb. Vajlugkub tau haistias Npaviloo tus dej uas thaiv lawv ntawd, tus dej Yuflatem, “mas yuavtsum qhuav tag huvsi,” thiab haistias “lub roojvag [hauv Npaviloo] yeej yuav tsis kaw.” (Ywmiyab [Yelemi] 50:38; Yasayab 13:17-19; 44:27–45:1.)
Yeej tau muaj txhaws nkaus rawsli tej nqwb nqe meejxyuam no, xwsli tej xovxwm uas tus kws tshooj keebxwm Helodota tau sau cia. Vajlugkub tau xub qhia ntxiv mus haistias tsis ntev ces Npaviloo yeej ciali yuav dhau mus ua ib pawg puastsuaj tag uas tsis muaj neeg nyob mus ntxiv lawd. Ces ua ciav txawm muaj raws nkausli ntax. Niajhnub no mas Npaviloo los tseem yog ib pawg ua seem ua sos. (Yasayab 13:20-22; Ywmiyab 51:37, 41-43.) Thiab tsis tas lintawd tseem tshuav tej lus khom cogtseg uas tau muaj ntauๆ nyob rauhauv phau Vajlugkub.
Ua yog li Vajlugkub ho muaj xub qhia txog lub ntiajteb neeg tej kev coj nimno yuav muaj mus zoolicas? Vajlugkub haistias: “Lub hnoob nyoog kawg ntawm qab ntuj no mas yuav yog iblub lijtiam uas yog muaj teebmeem kawg nkaus. Tej neeg mas yuav tsis muaj kev sibhlub sibnyiam lilawm tabsis tsuas nyiam nyiajtxiag thiab lawv tus kheej xwb; lawv mas tsuas khav theeb, khav txiv, ua phem rau lwmtus; saib niam-txiv tsis muaj nqis, tsis muaj kev xav zoo, tsis muaj coj kev ntseeg, tsis muaj kev mobsiab rau lwmtus. . . . Lawv yuav ua tej neeg muab kev lomzem los hloov rau Vajtswv chaw, tej neeg coj sab nraud li cov muaj kev ntseeg, tiamsis yog tus sawv ntseg ntwb tsis txais paub kev ntseeg qhov muaj tseeb.” (2 Timotiam 3:1-5, The New English Bible [Vajlugkub phau Tshiab Lus Aakiv].)
Muaj tiagๆ, peb yeej niajhnub pom tejno muaj samsim! Tiamsis Vajlugkub los yeej xub qhia txog thaum “lub hnoob nyoog kawg ntawm qab ntuj no” xwsli tejno: “Iblub tebchaws yuav sawv tawmtsam iblub tebchaws thiab ibtug vajtseemfwv yuav tawmtsam ibtug vajtseemfwv, thiab thaum ntawd zaubmov yuav tsis txaus noj.” Muaj ntxiv mus dua haistias, “thaum ntawd mas yuav muaj av qeeg hnyavๆ kawg, thiab kab mob kev nkeeg mas yuav muaj ibqho dhau mus rau ibqho.” (Mataij 24:7; Luka 21:11.)
Mas tiagๆ lau, Vajlugkub cov lus cogtseg mas niajhnub no tau muaj txhaws nkwb nkaus! Tomqab ntawd, tej lus khom cogtseg uas tseem tshuav yuav muaj samsim, zoo xwsli: “Tej ncajncees lawv tus kheej yuav tau yuav lub ntiajteb, thiab lawv yuav nyob rauhauv mus ibtxhis,” thiab, “Lawv yuav ntaus lawv tej ntaj mus ua lawv tej khais . . . , lossis lawv los yuav tsis kawm ua tsovrog ibzaug ntxiv lilawm?” (Zaj Nkauj 37:29; Yasayab 2:4.)
‘Zajno mas zoo tshaj tej uas muaj tiagๆ ex,’ muaj tej tug yuav haisli. Tiamsis mas yog tiagๆ laub, mas nws vij tsis muaj ibqho ua tau rau peb tsis ntseeg txog tus Tsim peb tej lus khom cogtseg. Nws tej lus mas peb muaj peevxwm ntseeg tau rau! (Tito 1:2.) Yog tshawb ntsuam tej povthawj ntxiv mus, yeej yuav ua tau rau koj ntxim siab tshaj txog zajno.
Thaum uas tsis muaj phau Vajlugkub twg lub npe, ces tagnrho cov nqe Vajlugkub muab rauhauv no mas yog losntawm phau Qab Ntuj Tshiab Txhais cov Nqe Sau Dawbhuv [Aakiv].
[Cov lus rho hauv zaj no, nyob sab 4]
“Tej ntsiab ntawm cov uas kawm nto ntsis tag ntawd tau ua meejๆ txog neeg tej kev ntseeg, haistias yog paub tau tej kev txawj ntse kom ntau ntxiv mus mas tsuas yuav pab tau kom paub qhov tseeb hauv phau Vajlugkub.”