Kub Siab Tshaj Tawm Qhov Tseeb Txog Yexus

Yog peb paub qhia qhov tseeb txog Yexus rau lwm tus ces yuav ua rau peb hajyam kub siab mus qhia. Yexus yog lub thawj pob zeb ntawm kaum tsev uas yog lub hauv paus kev ntseeg tseeb. (Efx. 2:20) Yog tsis muaj Yexus ces peb yeej tsis muaj kev cia siab hlo li. (Ttx. 4:12) Yog li ntawd, tseem ceeb heev rau txhua leej txhua tus los paub txog Yexus tes haujlwm seb yog dabtsi tiag. Coob leej ntau tus raug ntxias mus ntseeg tej kevcai uas qhia tsis raws li phau Vajlugkub. Tu siab tias tej zaum cov ntawd yuav tsis tau txais tej koob hmoov uas Vajtswv Txojlus tau cog tseg rau cov uas muaj kev ntseeg rau Yexus. Yog peb kub siab lug rau qhov tseeb ces qhov no yuav txhawb kom peb mus pab cov uas muaj siab mos siab muag los paub qhov tseeb txog Yexus, seb nws yog leejtwg, thiab nws tes haujlwm yog dabtsi. Yog li ntawd, koj puas yuav kub siab lug mus tshaj tawm qhov tseeb txog Yexus rau lub caij ua kevcai nco txog nws xyoo no?