Tej Lus Nug Uas Peb Muaj

◼ Thaum twg thiaj zoo rau koj muab ib tug uas kawm Vajlugkub tso mus?

Yog tus kawm Vajlugkub txojkev ntseeg pheej tsis loj hlob ces tej zaum zoo rau koj ua zoo hais rau nws tias koj yuav tsis mus qhia nws ntxiv lawm. (Mth. 10:11) Ua ntej koj yuav tso nws mus, xav txog cov lus nug no: Nws puas kawm raws li lub sijhawm neb tau teem tseg? Nws puas npaj ua ntej neb kawm Vajlugkub? Nws puas tau mus koom tej kev sib txoos? Nws puas qhia lwm tus txog tej uas nws tau kawm? Nws puas hloov nws lub neej raws li phau Vajlugkub tej hauv paus ntsiab lus? Nco ntsoov tias ib leeg zoo tsis thooj ib leeg, tej tug laus tej tug hluas tej tug kawm tau sai tej tug kawm tau qeeb. Thaum koj tso nws mus, qhia rau nws tias thaum twg nws xav rov kawm dua koj yeej zoo siab rov mus qhia nws.​—1Tmt. 2:4.