Txawj Qhia Cov Ntawv Tseb

Txij lub 1 Hlis xyoo 2018 los, Lub Neej Thiab Tes Haujlwm Phau Kawm muaj cov qauv lus los txhawb kom peb nrog tibneeg sib txuas lus tsis yog tseb ntawv xwb. Yuav kom cov kwvtij nkauj muam txawj qhia li no, thiaj li muaj tej yeeb yaj kiab ua qauv qhia kom peb paub siv phau Vajlugkub los nrog tibneeg tham. Yog li ntawd, peb puas tseem tseb tej ntaub ntawv thaum mus tshaj tawm? Peb tseem tseb tau, xws li cov ntawv tseb. Yuav yooj yim heev rau peb siv cov ntawv no los nrog tibneeg sib txuas lus. Peb siv tau cov ntawv tseb li no:

1. Nyeem thawj sab rau nws mloog.

2. Mus rau sab 2 thiab nyeem cov nqe Vajlugkub. Yog muaj sijhawm, nyeem thiab tham txuas ntxiv mus.

3. Muab daim ntawv tseb rau tus tswv tsev thiab txhawb kom nws nyeem.

4. Ua ntej koj yuav mus, tseg lo lus nug uas nyob sab kawg ntawm lub ntsiab “Kawm Ntxiv” nrog tus tswv tsev. Teem sijhawm rov mus teb lo lus nug ntawd.

Thaum koj rov mus, teb lo lus nug thiab nco ntsoov tseg ib lo lus nug ntxiv. Tej zaum koj kuj siv tau ib lo lus nug hauv phau ntawv uas nyob sab kawg nkaus ntawm daim ntawv tseb lossis hauv peb lub vej xaij. Yog nws xav kawm ntxiv, qhia nws txog phau Vajtswv Muaj Xov Zoo Rau Peb! lossis lwm phau hauv Cov Twj Mus Ua Vajtswv Tes Num.