Dabtsi Tseem Ceeb Tshaj Plaws Rau Kuv?

Yakhauj nrog ib tug tubtxib saum ntuj sib qhau kom tau koob hmoov. (Chivkeeb 32:24-31; Hauxeyas 12:3, 4) Peb ne? Peb puas ua tiag mloog Yehauvas lus kom nws foom koob hmoov rau peb? Xws li thaum peb yuav txiav txim seb peb yuav mus kev sib txoos lossis ua haujlwm ntev zog, peb yuav xaiv qhov twg? Yog peb siv peb lub sijhawm, lub dag lub zog, thiab tej uas peb muaj pub rau Yehauvas, ces nws yuav foom “koob hmoov ntau nplua mias” rau peb. (Malakis 3:10) Nws yuav coj peb txoj hau kev, tiv thaiv peb thiab saib xyuas peb.​—Mathais 6:33; Henplais 13:5.

SAIB ZAJ YEEB YAJ KIAB TAU HAU NTSOOV RAU LUB HOM PHIAJ, TOM QAB NTAWD TEB COV LUS NUG NO:

• 

  Tej yam uas tus muam ntawd nyiam ua, sim nws lub siab li cas?

• 

  Kev khwv noj khwv haus yuav sim tau peb lub siab li cas?

• 

  Txawm Timautes twb yog ib tug Khixatia uas paub tab lawm los, ua cas nws yuav tsum muaj homphiaj thiab?​—1 Timautes 4:16

• 

  Dabtsi qhia tias txoj haujlwm twg tseem ceeb tshaj?