Tej Uas Pab Kom Peb Txawj Ua Vajtswv Tes Num​—Tham Rau Hauv Koob Thaij Lossis Lub Paj Taub

VIM LI CAS HO TSEEM CEEB: Txhua xyoo, tsuas pom muaj tub sab tub nyiag ntau ntxiv zuj zus tuaj. Yog li ntawd, tibneeg thiaj yuav koob thaij thiab paj taub los tso ntawm qhov rooj zov tsev. Tej zaum peb yuav tsis xis qhia Vajlugkub rau cov neeg uas peb tsis pom tim ntsej tim muag. Tiamsis yog peb xyaum yam li no, yuav pab tau kom peb tsis txhob ntshai qhia Vajlugkub hauv tej koob thaij lossis paj taub.

XYAUM LI NO:

• Tsim nyog rau peb xav txog qhov zoo, rau qhov muaj coob tus tswv tsev nyob ntawm lub koob thaij lossis paj taub yeej txaus siab nrog peb sib txuas lus

• Nco ntsoov tias ua ntej koj mus txog ntawm qhov rooj, lub koob thaij twb muab koj yees lawm. Tej zaum tus tswv tsev kuj saib ntsoov koj thiab twb hnov tej yam uas koj hais ua ntej koj mus txog

• Thaum tus tswv tsev hais lus tuaj rau koj hauv lub koob thaij lossis paj taub, cia li tham yam li koj nrog nws tham tim ntsej tim muag. Kuj zoo rau koj ua ntsej muag luag ntxhi, thiab hais raws li koj twb npaj tseg. Nco ntsoov, thaum koj qhia ntawm lub koob thaij, tsis txhob mus sawv ti ti. Yog tias tus tswv tsev tsis nyob lawm los tsis txhob kaw ib co lus tseg cia rau nws

• Tom qab koj nrog tus tswv tsev tham tag ntawm lub koob thaij lossis paj taub, nco ntsoov tias tej zaum nws tseem hnov thiab saib ntsoov koj tawm ntawm nws thaj chaw mus