Peb Yam Uas Yuav Pab Kom Peb Tso Siab Rau Yehauvas

Daviv kov yeej Nkauli-am vim nws tso siab plhuav rau Yehauvas. (1 Xamuyees 17:45) Yehauvas yeej zoo siab hlo pab cov uas muaj siab npuab nws. (2 Xwmtxheej Vajntxwv 16:9) Peb yuav ua li cas qhia rau Yehauvas tias peb vam khom nws, tsis yog vam khom peb tus kheej lossis peb lub tswvyim? Peb ua tau peb yam no:

• Rau siab ntso thov Vajtswv. Peb yuav tau thov kom Yehauvas zam txim rau peb tej kev txhaum, tiamsis tshwj xeeb tshaj thov kom nws pab peb zam kev sim siab. (Mathais 6:12, 13) Tej thaum peb txiav txim siab tag peb mam thov Yehauvas. Tiamsis yuav zoo dua yog peb xub thov nws pub tswvyim rau peb tso peb mam txiav txim siab.​—Yakaunpaus 1:5

• Kawm Vajtswv Txojlus tsis tu ncua. Nyeem phau Vajlugkub txhua txhua hnub. (Phau Ntawv Nkauj 1:2) Muab tej uas peb nyeem los ua tib zoo xav thiab xyaum. (Yakaunpaus 1:23-25) Npaj ua ntej peb mus tshaj tawm. Txhob xav tias peb twb paub qhia Vajlugkub lawm. Npaj rau tej kev sib txoos peb thiaj yuav khaws tau tej uas peb kawm.

• Mloog Yehauvas lub koom haum lus. Ua tib zoo mloog seb lub koom haum hloov li cas thiab maj nroos ua li lub koom haum hais. (Teev Npe 9:17) Thaum cov txwj laug ntuas lossis cob qhia peb, peb yuav tsum mloog lawv lus.​—Henplais 13:17

SAIB ZAJ YEEB YAJ KIAB TSIS TAS PEB YUAV NTSHAI KEV TAWM TSAM, TOM QAB SAIB TAG TEB COV LUS NUG NO:

• Cov kwvtij nkauj muam ntsib tej kev tawm tsam twg?

• Dabtsi pab lawv thev kev tawm tsam?