Cim Tej Nqe Vajlugkub

Puas nyuaj rau koj nco tau tej nqe Vajlugkub? Tej zaud kuj yog tej nqe uas nplig koj siab, pab koj kom tsis txhob xav txog tej yam tsis dawb huv los sis tej nqe uas koj xav muab qhia rau lwm tus. (Phau Ntawv Nkauj 119:11, 111) Sim li no los pab koj cim tej nqe Vajlugkub.

• Siv lub twj JW Library^®. Thaum koj nyeem Vajlugkub hauv lub twj JW Library es koj nyeem tau tej nqe uas koj xav muab cim cia ces muab cim tseg rau hauv lub twj.a

• Muab nqe Vajlugkub lo rau ntawm tej qhov ncaj ncaj kev. Muab nqe Vajlugkub uas koj xav cim ntawd sau rau ntawm ib daim ntawv thiab muab lo rau ntawm tej qhov chaw uas koj niaj hnub dua kev. Ib txhia lawv muab lo rau ntawm daim iav uas lawv niaj hnub mus tsom, ib txhia muab lo rau ntawm lub tub txias hos ib txhia muab yees tseg es muab tso rau hauv lawv lub xov tooj los sis lawv lub koos pis tawj.

• Muab sau rau ntawm tej daim ntawv me me. Muab nqe Vajlugkub sau rau ib sab hos sab nraud sau seb los ntawm nqe Vajlugkub twg los. Tom qab ntawd, muab tej daim ntawv me me coj los xyaum seb nqe Vajlugkub ho nyob qhov twg rau qhov twg los sis xav seb cov lus ho hais li cas.