Yehauvas Cov Tim Khawv Puas Yog Khixatias?

Peb yeej yog cov Khixatias uas raws Yexus qab. Peb hais li no vim hais tias:

• Peb xyaum coj thiab raws Yexus Khetos tus hneev taw.​—1 Petus 2:21.

• Peb ntseeg tias Yexus yog peb tus cawm seej thiab “hauv lub qab ntuj no, yeej tsis muaj dua ib lub npe uas Vajtswv pub los cawm peb dim hlo li.”​—Tes Hauj Lwm 4:12.

• Thaum ib tug twg los ua Yehauvas ib tug Tim Khawv, nws yuav tsum ua kev cai raus dej lees txais Yexus lub npe.​—Mathais 28:18, 19.

• Thaum peb thov Vajtswv, peb thov ntawm Yexus lub npe.—Yauhas 15:16.

• Peb ntseeg tias Yexus yog lub Taub Hau, nws muaj hwj chim tshaj txhua tus tib neeg huv tib si.​—1 Kauleethaus 11:3.

Peb yeej ntseeg txawv ntawm lwm pab pawg Khixatias. Peb ntseeg tias Yexus yog Vajtswv tus Tub, tsis yog Vaj Peb Leeg. (Malakaus 12:29) Peb ntseeg tias thaum ib tug tuag, nws tsis muaj ib tug plig ciaj mus nyob rau lwm qhov. (Tej Lus Qhia 9:5) Tsis muaj ib nqe Vajlugkub qhia tias Vajtswv tsim txom tib neeg hauv ntuj tawg. (Exekees 18:4) Peb ntseeg tias cov uas ntaus thawj ntawm sab kev ntseeg tsis nyob siab dua lwm tus, sawv daws sib txig sib luag xwb.​—Mathais 23:8-10.