Jehovah’s Witnesses—Faith in Action, Part 2: Let the Light Shine
Muaj haujlwm ntau kawg li rau Cov Tub Kawm Vajlugkub ua, tom qab Kwvtij Rutherford thiab cov kwvtij uas nrog nws raug kaw, tawm hauv nkuaj los xyoo 1919. Daim yeeb yaj kiab hu ua Jehovah’s Witnesses—Faith in Action, Part 2: Let the Light Shine, qhia tias coob leej ntau tus tawm tsam Cov Tub Kawm Vajlugkub, thiab tau sim lawv txojkev ntseeg. Txawm li ntawd los, lawv yeej tsis tso kev ntseeg tseg thiab lawv hajyam to taub phau Vajlugkub ntxiv xwb. (P.L. 4:18; Mlkh. 3:1-3; Yh. 15:20) Tom qab koj saib zaj no tas, xav seb koj puas teb tau cov lus nug nram no.
(1) Cov Tub Kawm Vajlugkub tshaj tawm txoj xov zoo li cas? (2) Vim li cas cov rooj sib txoos loj xyoo 1931 thiab 1935, ho tshwj xeeb? (3) Phau The Watchtower lub Kaum Ib Hlis tim 1, xyoo 1939, tshwj xeeb li cas? (4) Thaum Kwvtij Rutherford cev zaj lus qhuab qhia hu ua “Tej Tseem Fwv Thiab Kev Thaj Yeeb” (“Government and Peace”) hauv lub tsev hu ua Madison Square Garden, tau muaj dabtsi tshwm sim? (5) Kwvtij Knorr zaj lus qhuab qhia hu ua “Puas Yuav Muaj Kev Thaj Yeeb Mus Li?” (“Peace—Can It Last?”) tshwj xeeb li cas? (6) Yehauvas cov Timkhawv tau npaj li cas rau xyoo 1942 es txoj xov zoo thiaj nrov ncha mus deb? (7) Piav seb tej nom tswv thiab cov kwvtij tau sib hais plaub li cas hauv tebchaws United States, Canada, thiab Kili. (8) Txojkev kawm Kile-a pab tau coob leej los paub qhov tseeb li cas? (9) Pib xyoo 1946, cov kwvtij pib ua txoj haujlwm tseem ceeb twg, thiab yog vim li cas? (10) Yehauvas cov Timkhawv pib hloov li cas lawv thiaj coj tau lub neej raws li phau Vajlugkub qhia? (11) Piav seb pib xyoo 1970, lub koom haum hloov li cas ntxiv lawv thiaj coj tau raws li phau Vajlugkub. (12) Tom qab koj saib zaj yeeb yaj kiab no tas, koj puas ntseeg tias Yehauvas yog tus coj lub koom haum no tiag? (13) Niaj hnub no coob leej tawm tsam tes haujlwm tshaj tawm txoj xov zoo, tiamsis zaj no txhawb tau koj lub zog li cas? (14) Peb yuav siv zaj no los pab peb cov kwvtij neej tsa, cov uas peb qhia Vajlugkub rau, thiab lwm leej lwm tus li cas?
Yehauvas cov Timkhawv tej keeb kwm tsis yog xaus li no xwb. Txhua hnub, tej uas koj thiab kuv txiav txim siab ua, muaj feem nrog tej keeb kwm no thiab. Ua li yav tom ntej, peb tes haujlwm tshaj tawm txoj xov zoo, yuav qhia li cas txog peb? Ib yam li peb cov kwvtij nkauj muam yav tas los, cia peb kub siab lug ua Vajtswv tes num es “cia qhov kaj ci hauv qhov tsaus ntuj tuaj”!—2Khl. 4:6.