Peb Lub Vej Xaij Pab Koj Thiab Koj Tsev Neeg Kawm Vajlugkub
Nyeem Phau The Watchtower Thiab Awake! Uas Tawm Tshiab: Mus saib lub Vej xaij ntawm lub ntsiab “Publications/Magazines.” Ob peb lub lim tiam ua ntej cov koom txoos tau txais phau The Watchtower thiab Awake! cov kwvtij twb muab tso tawm hauv lub Vej xaij rau sawvdaws nyeem lawm. Cov kwvtij kuj muab cov ntawv no kaw suab huvsi hauv lub Vej xaij, rau koj theej tawm mloog thiab.
Nyeem Tej Zaj Kawm Uas Tawm Hauv Lub Vej Xaij: Cov ntsiab lus hu ua, “For Young People,” “My Bible Lessons,” “For Family Review,” thiab “Young People Ask,” yuav tsis muab luam rau hauv peb cov ntaub ntawv lawm, tsuas tso tawm hauv lub Vej xaij lawm xwb. Yog tias xav nyeem tej zaj no, mus saib lub Vej xaij ntawm lub ntsiab “Bible Teachings/Children” lossis “Bible Teachings/Teenagers.” Thaum koj nyob ib leeg kawm Vajlugkub lossis nrog koj tsev neeg kawm ua ke, siv sijhawm los tshawb nrhiav cov ntsiab lus no hauv lub Vej xaij.
Nyeem Tej Xov Xwm Tshiab: Nyeem tej xov xwm txog tej yam uas cov kwvtij nkauj muam tau ntsib. Saib tej yeeb yaj kiab uas qhia seb peb tes haujlwm thoob ntiajteb mus li cas lawm. Muaj tej ntsiab uas qhia txog tej xwm txheej huab cua phem, lossis tej kev cov nyom uas peb cov kwvtij tau raug. Yog peb nyeem tej xwm txheej ntawd peb thiaj paub thov Yehauvas pab lawv. (Yknp. 5:16) Yog xav paub ntxiv mus rau lub Vej xaij ntawm lub ntsiab “News.”
Siv Lub Online Library Tshawb Nrhiav Vajlugkub: Yog tias twb muab lub Online Library txhais ua koj yam lus lawm, ces siv koos pis tawj lossis xov tooj, mus tshawb nrhiav tej ntaub ntawv Vajlugkub uas tawm tshiab, lossis nyeem nqe Vajlugkub uas teem tseg rau hnub ntawd. Mus rau lub Vej xaij ntawm lub ntsiab “Publications/Online Library,” lossis ntaus www.wol.jw.org rau hauv kab uas ntaus lub Vej xaij chaw nyob.
[Duab piav qhia nyob sab 5]
(Yog xav paub tseeb tiag, mus saib hauv phau ntawv)
Xyaum Siv
1 Nias daim duab lossis lub cim uas qhia tias yus xav theej tawm los saib. Daim duab yog ib daim PDF. Koj mam li luam tawm rau koj tus menyuam kawm.
2 Yog tias xav tso tej yeeb yaj kiab saib, nias lub cim uas zoo li lub ntsais.