Peb Lub Vej Xaij Pab Peb Qhia Vajlugkub

Qhia Tibneeg Mus Saib Lub Vej Xaij: Ib txhia tsis kam nrog peb tham txog Vajlugkub thiab tsis kam txais peb tej ntaub ntawv Vajlugkub. Tiamsis lawv kuj kam mus saib Yehauvas cov Timkhawv lub Vej xaij, jw.org. Yog li ntawd, tsis txhob txaj muag qhia tibneeg txog lub Vej xaij. Cia li qhia rau txhua tus.

Teb Tibneeg Tej Lus Nug: Tej zaum tus tswv tsev lossis lwm tus yuav nug txog Yehauvas cov Timkhawv thiab peb txojkev ntseeg. Yog tias peb muaj tej twj lossis tej xov tooj uas txuas tau Is Taws Nej, cia li mus nrhiav kiag qhov lus teb rau nws nyeem hauv peb lub Vej xaij tamsid. Tiamsis thaum koj yuav nyeem ib nqes Vajlugkub rau nws mloog, zoo dua rau koj nthuav kiag phau Vajlugkub rau nws saib. Yog tias koj tsis muaj tej twj txuas Is Taws Nej, ces piav kom nws paub mus saib jw.org, nws thiaj txawj tshawb nrhiav lo lus teb rau nws tus kheej. Mus saib “Bible Teachings/Bible Questions Answered” lossis “About Us/Frequently Asked Questions.”

Xa Ib Phau Ntawv Mus Rau Cov Uas Koj Paub: Yog tias koj xa tej ntaub ntawv ua PDF lossis EPUB hauv e-mail mus rau lwm tus los yeej tau. Muaj tej phau ntawv twb muab kaw suab lawm, yog tias koj xav muab kaw ua ib daim CD xa mus rau tibneeg mloog los kuj tau. Yog tias xav paub ntxiv mus saib “Publications.” Txhua zaus uas koj theej tawm lossis kaw tag nrho ib phau ntawv pub rau ib tug uas tsis tau ua kevcai raus dej, hauv koj Daim Ntawv Qhia Sijhawm, koj suav tau tias koj tseb ib phau ntawv rau nws lawm. Tsis txhob lam tau lam xa cov ntaub ntawv no rau tus ub tus no. Thiab tsis pub muab cov ntawv no tso tawm rau lwm lub Vej xaij.

Qhia Tej Xov Xwm Tshiab Txog Yehauvas Cov Timkhawv: Yog tias koj muab tej xov xwm uas tawm tshiab hauv lub Vej xaij, piav rau cov neeg uas koj qhia, lawv yuav pom tes haujlwm uas peb cov kwvtij nkauj muam ua thoob qab ntuj, thiab pom tias peb yeej koom tau ib lub siab tiag tiag li. (Nt.Nk. 133:1) Yog tias xav paub ntxiv mus saib “News.”

[Duab piav qhia nyob sab 6]

(Yog xav paub tseeb tiag, mus saib hauv phau ntawv)

Xyaum Siv

1 Nias lub ntsiab hu ua “Publications,” ces nrhiav phau ntawv uas koj xav theej tawm. Saib cov cim hauv qab phau ntawv, mam li xaiv seb koj xav theej tawm ua ntawv PDF thiab EPUB, lossis kaw suab ua AAC thiab MP3.

2 Hauv ib phau ntawv twg, yog tias koj tsuas xav theej tawm ib zaj kawm xwb, ces nias lub cim “MP3,” ces koj yuav pom tag nrho cov zaj kawm tibsi. Mam li xaiv seb koj xav theej tawm zaj twg los mloog. Yog tias koj xav mloog xwb, es tsis theej tawm, ces nias lub cim no ▸.

3 Yog tias xav theej tawm tej ntaub ntawv ua lwm yam lus ces koj yuav tau xaiv yam lus ntawd hauv lub cim no.