Ua Qauv Qhia

Lub 9 Hlis: Pib Kawm Vajlugkub Nrog Tibneeg Thawj Hnub 6

“Tej niam txiv niaj hnub no yuav tsum tau kev pab lawv thiaj yuav muaj lub neej vam meej. Koj xav, tej teeb meem uas tej niam txiv kheev muaj uas yuav tsum tau kev pab yog dabtsi?” [Cia nws teb tas tso.] Nthuav mus rau sab kawg nkaus hauv phau The Watchtower lub 9 Hlis tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab Awake! rau nws, thiab teem sijhawm rov mus kawm lo lus nug 2 rau lwm zaus.

The Watchtower Lub 9 Hlis Tim 1

“Coob tus tau xav tias vim li cas Vajtswv thiaj cia tibneeg raug kev txom nyem. Koj puas tau xav li ntawd thiab? [Cia nws teb tas tso.] Phau Vajlugkub cog tseg tias yuav muaj ib lub sijhawm uas yuav tsis muaj kev quaj ntsuag thiab kev mob ib zaug dua li lawm. [Nyeem Qhia Tshwm 21:4.] Phau The Watchtower no qhia txog 5 yam uas ua rau tibneeg raug kev txom nyem, thiab qhia tias Vajtswv yuav muab tej kev txom nyem ntawd rhuav tshem mus li cas raws li tau hais hauv phau Vajlugkub.”

Awake! Lub 9 Hlis

“Hnub no wb tuaj nrog koj tham mentsis txog Halloween. Ib txhia tsis kam ua Halloween vim lawv xav ua raws li Vajtswv tej lus ceeb toom hauv phau Vajlugkub. [Nyeem Levi Tej Kevcai 19:31.] Ib txhia tsis ntseeg tias muaj dab thiab xav tias Halloween yog kev ua si lom zem rau menyuam xwb. Koj ho xav li cas? [Cia nws teb tas tso.] Phau Awake! no tham txog tias Halloween chiv los ntawm tej yam phem kawg li.”