Ua Qauv Qhia

Lub 10 Hli: Pib Kawm Vajlugkub Nrog Tibneeg Thawj Hnub 6

“Hnub no peb tuaj nrog sawvdaws tham. Peb pom tias qhov uas tibneeg nyuaj siab tshaj plaws mas yog thaum muaj ib tug uas lawv hlub tshua tau tas sim neej lawm. Koj puas xav li ntawd thiab? [Cia nws teb tas tso.] Cov lus no txhawb tau kuv lub zog heev.” Mus rau sab kawg nkaus hauv phau The Watchtower lub 10 Hli tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab Awake! rau nws, thiab teem sijhawm rov mus kawm lo lus nug 2 rau lwm zaus.

The Watchtower Lub 10 Hli Tim 1

“Hnub no peb tuaj peb xav txhawb kom sawvdaws mus nyeem phau Vajlugkub. Peb pom tias muaj ib txhia nyiam nyeem Vajlugkub heev, tiamsis kuj muaj ib txhia tsis nyiam thiab. Ua li, koj ne? [Cia nws teb tas tso.] Phau Vajlugkub hais li no. [Nyeem 1 Thexalaunika 2:13.] Zoo li tau hais no, phau Vajlugkub yog Vajtswv Txojlus tiag, yeej tsim nyog rau peb nyeem, puas yog? Phau The Watchtower no tham txog seb phau Vajlugkub qhia li cas thiab vim li cas peb yuav tsum nyeem.”

Awake! Lub 10 Hli

“Kuv xav paub seb koj xav li cas txog lo lus nug no: Yog tias peb tsis muaj tej qhov txhia chaw, peb puas txaus siab rau lub neej? [Cia nws teb tas tso.] Hais txog qhov no, phau Vajlugkub hais li no. [Nyeem 1 Timaute 6:8.] Phau Awake! no yuav pab kom peb tsis txhob muab tej qhov txhia chaw saib hlob thiab kuj tham txog 3 yam tseem ceeb uas muab nyiaj txiag muas tsis tau.”