Ua Qauv Qhia

Mus Pib Kawm Vajlugkub Nrog Tibneeg Thawj Hnub 6 Lub 2 Hlis

“Coob tus peb nrog tham nyias yeej xav lawm nyias ib yam txog phau Vajlugkub. Muaj tej txhia ntseeg tias phau Vajlugkub yog Vajtswv Txojlus tiamsis lwm cov kuj ntseeg tias tsuas zoo li lwm phau ntawv xwb. Koj ho xav li cas txog phau Vajlugkub?” Cia nws teb tas tso. Mus rau sab kawg nkaus hauv phau The Watchtower lub 2 Hlis tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab Awake! rau nws, thiab teem sijhawm rov mus kawm lo lus nug 2 rau lwm zaus.

The Watchtower Lub 2 Hlis Tim 1

“Coob leej xav kom tebchaws tiaj tus tsis muaj kev tsov kev rog. Koj xav, lub ntiajteb puas yuav muaj tau kev thaj yeeb? [Cia nws teb tas tso.] Vajtswv cog tseg li no hauv phau Vajlugkub. [Nyeem Ntawv Nkauj 46:9.] Phau ntawv no piav tias tej uas tau tshwm sim txij thaum Ntsuj Rog Thoob Qab Ntuj Zaum 1 los txog niaj hnub nimno qhia tau tias tshuav tsis ntev xwb Vajtswv yuav ua kom muaj tiav raws li zaj lus faj lem no uas yuav tsis muaj kev tsov kev rog dua li lawm.”

Awake! Lub 2 Hlis

“Peb xav nrog koj tham txog ib qho teeb meem uas peb txhua tus muaj. Qhov teeb meem ntawd yog qhov uas peb tsis muaj sijhawm ua dabtsi li. Koj xav puas yog vim peb muaj ntau yam ua, los yog peb muab sijhawm nkim pov tseg ua tej yam tsis tseem ceeb xwb? [Cia nws teb tas tso.] Coob tus tsis paub tias phau Vajlugkub pab tau peb siv peb lub sijhawm kom zoo. Nqe Vajlugkub no yog ib nqes uas pab tau peb ua li ntawd. [Nyeem Filipi 1:10a.] Phau ntawv no muaj 4 yam uas twb pab tau tibneeg txawj siv lawv lub sijhawm kom zoo lawm.”