Ua Qauv Qhia
Mus Pib Kawm Vajlugkub Nrog Tibneeg Thawj Hnub 6 Lub 10 Hli
“Peb tuaj nrog sawvdaws tham txog kev nom kev tswv. Koj xav puas muaj ib roog nom tswv twg uas muaj peev xwm tshem tau tej kev limhiam thiab kev tsis ncaj ncees mus?” Cia nws teb tas tso. Qhia tus tswv tsev txog Yexus zaj lus thov. Yexus tau qhia rau nws cov thwjtim kom lawv thov txog ib roog nom tswv uas yuav tshem tau tej kev limhiam thiab kev tsis ncaj ncees mus. Roog nom tswv ntawd yog Vajtswv lub Nceeg Vaj. Nthuav mus rau sab kawg nkaus hauv Phau Tsom Faj lub 10 Hli tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab Phau Tsom Faj thiab phau Awake! rau nws, thiab teem sijhawm rov mus kawm lo lus nug 2 rau lwm zaus.
Phau Tsom Faj Lub 10 Hli Tim 1
“Peb tuaj nrog sawvdaws tham txog Yexus zaj lus thov uas nws tau qhia rau nws cov thwjtim. [Nyeem Mathai 6:9, 10.] Puas tau muaj leejtwg ua tib zoo qhia rau koj seb Vajtswv lub Nceeg Vaj yog dabtsi thiab vim li cas Yexus thiaj kub siab ua luaj qhia txog lub Nceeg Vaj ntawd? [Cia nws teb tas tso.] Phau ntawv no qhia seb Vajtswv lub Nceeg Vaj yog dabtsi thiab tej uas lub Nceeg Vaj yuav ua rau lub ntiajteb yog dabtsi.”
Kuv Phau Ntawv Txog Phau Vajlugkub
Koj kuj hais li no: “Nyob zoo os, hnub no peb tuaj tham tias yog vim li cas thiaj sau phau Vajlugkub. Koj puas paub yog vim li cas thiaj li sau phau Vajlugkub? [Cia nws teb tas tso.] Ib qho uas sau phau Vajlugkub, kuj yog sau los ceeb toom tibneeg raws li hais hauv 1 Khaulee 10:11. [Nyeem.] Vajtswv tej lus ceeb toom tsis yog sau los hem tibneeg tiamsis yog sau los pab kom lawv nrhiav tau kev cawm dim. Raws li hais hauv 2 Timaute 3:15, txhua tus tsis hais tus laus tus hluas yuav tsum paub Vajtswv Txojlus thiaj li yuav dim. [Nyeem.] Vim li no thiaj sau phau Vajlugkub rau tibneeg. Kuv xav qhia koj txog txojkev cawm dim no uas tham nyob rau ib zaj hauv phau ntawv no uas hu ua Kuv Phau Ntawv Txog Phau Vajlugkub.” Nthuav mus rau Zaj 71 es nyeem thawj nqe thiab nqe kawg nkaus rau nws. Tom qab ntawd nug seb nws puas xav tau ib phau.