Ua Qauv Qhia

Caw Tibneeg Tuaj Ua Kevcai Nco Txog Yexus

“Nov yog daim ntawv caw koj thiab koj tsev neeg tuaj koom ib txojkev sib txoos uas tseem ceeb heev rau lub 4 Hlis tim 14. Hmo ntawd yuav muaj ntau plhom leej thoob plaws lub ntiajteb tuaj sib txoos ua kevcai nco txog Yexus Khetos thiab yuav mloog ib zaj lus qhuab qhia seb qhov Yexus tuag pab tau peb li cas. Daim ntawv caw no muaj qhov chaw nyob thiab lub sijhawm rau hmo ntawd.”

The Watchtower Lub 4 Hlis Tim 1

“Wb tuaj nrog koj tham txog ib qho uas coob tus pheej ua. Txawm lawv yuav coj txojkev ntseeg twg los, lawv yeej tau thov Vajtswv pab lawv dua los lawm. Koj xav Vajtswv puas hnov peb tej lus thov, los yog peb lam thov kom peb kaj siab xwb? [Cia nws teb tas tso.] Cia peb mus nyeem seb phau Vajlugkub hais li cas txog kev thov Vajtswv. [Nyeem 1 Yauhas 5:14.] Phau The Watchtower no qhia tias yog peb thov Vajtswv yuav pab tau peb rau ntau txojke.”

Awake! Lub 4 Hlis

“Wb tuaj tham txog ib qho teeb meem uas niaj hnub no tsuas pom haj yam muaj tshwm sim heev zuj zus. Ib txhia xav tias lawv lub neej nyuaj siab dhau lawm, yog li ntawd, lawv thiaj txiav txim siab txov lawv txojsia. Thaum ib tug neeg nyuaj siab npaum li ntawd, koj xav puas yog nws xav txov nws txojsia tiag, los yog nws xav kom nws dim tej kev nyuaj siab xwb? [Cia nws teb tas tso.] Tej lus cog tseg hauv phau Vajlugkub pab tau coob leej dim lawv tej kev nyuaj siab. [Nyeem Qhia Tshwm 21:3, 4.] Phau Awake! no tham txog 3 yam uas yuav pab tau ib tug twg tsis txhob txov nws txojsia txawm nws lub neej yuav muaj ntau yam teeb meem.”