Ua Qauv Qhia

Caw Tibneeg Tuaj Ua Kevcai Nco Txog Yexus

“Daim ntawv no yog ib daim ntawv caw mus koom ib txojkev sib txoos uas tseem ceeb heev uas yog nyob rau lub 4 Hlis tim 3. Hmo ntawd yuav muaj ntau plhom leej thoob plaws lub ntiajteb tuaj sib txoos ua kevcai nco txog Yexus Khetos txojkev tuag thiab tuaj mloog ib zaj lus qhuab qhia seb Yexus txojkev tuag pab tau peb li cas. Tuaj dawb xwb, tsis sau nyiaj. Daim ntawv caw no muaj qhov chaw nyob thiab lub sijhawm rau hmo ntawd.”

Phau Tsom Faj Lub 3 Hlis Tim 1

“Lub 4 Hlis tim 3 rov txog caij ua Kevcai Nco Txog Yexus Khetos txojkev tuag. Ib txhia ua kevcai nco txog Yexus rau qhov lawv ntseeg tias Yexus txojkev tuag yog ib yam uas tseem ceeb heev rau lawv. Tiamsis kuj muaj ib txhia tsis ntseeg li ntawd. Koj ho xav li cas, Yexus txojkev tuag thiab qhov uas nws sawv rov los puas pab tau peb? [Cia nws teb tas tso.] Saib seb Vajtswv Txojlus hais li cas. [Nyeem 1 Khaulee 15:22, 26.] Phau Tsom Faj no tham txog tias yav tom hauv ntej Yexus tus nqe txhiv yuav tshem kev ploj kev tuag mus.”

Phau Tsom Faj Lub 3 Hlis Tim 1

“Peb tuaj nrog sawvdaws tham txog lo lus nug tseem ceeb no. [Nthuav mus rau thawj lo lus nug uas nyob rau sab kawg nkaus hauv Phau Tsom Faj lub 3 Hlis tim 1.] Koj xav li cas txog lo lus nug no xwb?” Cia nws teb tas tso. Mus tham cov lus teb rau thawj lo lus nug ntawd thiab nyeem ib ob nqes Vajlugkub uas nyob rau ntawd. Muab Phau Tsom Faj rau nws thiab teem sijhawm rov mus kawm lo lus nug 2 rau lwm zaus.