Ua Qauv Qhia

Mus Pib Kawm Vajlugkub Nrog Tibneeg Thawj Hnub 6 Lub 12 Hlis

“Hnub no wb tuaj qhia Vajlugkub rau cov Hmoob. Wb pom tias coob tus yeej xav kom lawv cov menyuam muaj kev hlub rau Vajtswv. Puas yog cov niam txiv yuav tsum qhia lawv cov menyuam kom hlub Vajtswv, lossis cia lawv mam kawm lawv xwb?” Cia nws teb tas tso. Nthuav mus rau sab kawg nkaus hauv Phau Tsom Faj lub 12 Hlis tim 1, kawm thawj lo lus nug thiab nyeem ib ob nqes Vajlugkub uas nyob rau ntawd. Muab Phau Tsom Faj rau nws, thiab teem sijhawm rov mus kawm lo lus nug 2.

Phau Tsom Faj Lub 12 Hlis Tim 1

“Hnub no wb tuaj nrog cov Hmoob sawvdaws tham txog Vajtswv. Thaum hais txog Vajtswv mas cov Hmoob nyias xav nyias lawm ib yam. Koj xav cov Hmoob feem coob xav tias Vajtswv tsis mob siab peb lossis nws mob siab peb heev? [Cia nws teb tas tso.] Nqe Vajlugkub no qhia rau peb tias Vajtswv xav kom peb nrog nws sib raug zoo. [Nyeem Yakaunpau 4:8 thawj kab.] Phau Tsom Faj no qhia txog 3 yam uas pab tau peb txav ze Vajtswv.”

Yuav Ua Li Cas Tsev Neeg Thiaj Muaj Kev Zoo Siab?

“Txawm peb coj kevcai qub lossis kevcai tshiab, peb sawvdaws yeej xav kom peb tsev neeg muaj kev zoo siab, puag yog? [Cia nws teb tas tso.] Coob tus xav tias phau Vajlugkub yog sau rau lwm haiv neeg lossis rau cov neeg txheej thaum ub xwb. Txawm lawv xav li ntawd los, phau Vajlugkub muaj tej lus qhuab ntuas uas tseem pab tau cov nyob tiam no kom lawv tsev neeg muaj kev zoo siab.” Tom qab ntawd, nthuav phau ntawv Pib Kawm Vajtswv Txojlus mus rau lo lus nug 17 thiab nyeem nqe Vajlugkub uas phim tus tswv tsev. Muab daim ntawv tseb hu ua Yuav ua li cas tsev neeg thiaj muaj kev zoo siab? rau nws. Xaiv ib lub ntsiab me ntawm sab 2 txog 4 los tham thiab nyeem ib ob nqes Vajlugkub ntawm lub ntsiab ntawd.