Ua Qauv Qhia

Lub 1 Hlis Ntuj: Pib Kawm Vajlugkub Nrog Tibneeg Thawj Hnub 6

“Raws li koj xav, Vajtswv lub npe hu li cas? [Cia nws teb tas tso.] Cia wb nyeem seb phau ntawv no qhia li cas.” Muab phau The Watchtower, lub 1 Hlis, tim 1 rau nws. Ntxeev phau ntawv rau sab kawg nkaus ntawm lub khaum, thiab kawm thawj lub ntsiab me ua ke. Nyeem ib nqe Vajlugkub. Tsis tas li ntawd xwb, nthuav mus rau Khiav Dim 3:14, 15, hauv qab taw qhia, es piav tias Vajtswv lub npe hu ua Yehauvas, tsis yog hu ua Yawmsaub. Teem sijhawm rau lwm zaus, neb mam li kawm lo lus nug 2.

The Watchtower Lub 1 Hlis Ntuj, Tim 1

“Coob leej ntau tus ntseeg tias lub ntiajteb no yuav kawg. Raws li koj xav, puas tsim nyog peb txhawj ntshai thiab? [Cia nws teb tas tso.] Raws li nqe no qhia, yuav muaj neeg dim hnub ntawd thiab. [Nyeem 1 Yauhas 2:17.] Phau ntawv no qhia tias phau Vajlugkub teb tau 4 lo lus nug uas tibneeg muaj ntsig txog hnub kawg.”

Awake! Lub 1 Hlis Ntuj

“Hnub no peb tuaj ncig xyuas cov kwvtij neej tsa sawvdaws. Raws li koj xav puas zoo rau yus tsev neeg xyaum li Yexus cov lus no? [Nyeem Tubtxib Tes Haujlwm 20:35b. Cia nws teb tas tso.] Hauv lub qab ntuj no feem coob tsuas xam pom lawv tus kheej lawm xwb. Yeej tsis yoojyim rau peb cob qhia kom tej metub menyuam paub xav txog lwm leej lwm tus. Phau ntawv no qhia seb cov niam txiv yuav cob qhia menyuam li cas.”