Ua Qauv Qhia

Lub 7 Hli Ntuj: Pib Kawm Vajlugkub Nrog Tibneeg Thawj Hnub 6

“Muaj coob leej xav paub ntxiv txog cov tubtxib saum ntuj. Koj xav puas muaj cov tubtxib ntawd tiag? [Cia nws teb tas tso.] Cia wb saib phau ntawv no ua ke.” Muab phau ntawv The Watchtower lub 7 Hli, tim 1 rau nws. Nthuav rau sab 16, thiab kawm thawj lub ntsiab me ua ke. Nyeem ib nqe Vajlugkub. Teem sijhawm rau lwm zaus, neb mam li kawm lo lus nug 2.

The Watchtower Lub 7 Hli Ntuj, Tim 1

Nyeem Ntawv Nkauj 65:2. Nug li no: “Coob leej ntseeg tias Vajtswv yog tus uas mloog peb tej lus thov. Lawv thiaj thov Vajtswv txhua txhua hnub raws li nqe no qhia. Tiamsis ib txhia xav tias xyov puas muaj Vajtswv tiag. Yog muaj Vajtswv, ua cas nws ho cia muaj tej teeb meem hauv ntiajteb no? Ua li, koj xav li cas xwb? Puas muaj ib tug Vajtswv uas mloog peb tej lus thov tiag? [Cia nws teb tas tso.] Phau ntawv no yuav teb tau lo lus nug no: ‘Vim li cas tus uas mloog peb tej lus thov, ho cia muaj kev txom nyem?’”

Awake! Lub 7 Hli Ntuj

“Yog tias koj muaj hwjchim kho tau tej teeb meem hauv lub qab ntuj no, koj yuav kho dabtsi ua ntej? [Cia nws teb tas tso.] Phau Vajlugkub qhia tias tibneeg tsis muaj hwjchim kho tej no. [Nyeem Yelemi 10:23.] Phau ntawv no yuav qhia txog tej yam uas Vajtswv yuav kho yav tom hauv ntej.”