Ua Qauv Qhia

Pib Kawm Vajlugkub Nrog Tibneeg Thawj Hnub Rau

“Raws li koj pom, tej kev ntseeg puas pab kom tibneeg txawj sib hlub los yog tsuas hajyam ua rau lawv sib ntxub xwb? [Cia nws teb tas tso.] Kuv muaj ib phau ntawv uas tham txog qhov ntawd, kuv xav muab rau koj saib.” Cev phau The Watchtower lub Tsib Hlis, tim 1 rau nws. Nthuav rau sab 16, thiab kawm thawj lub ntsiab me ua ke. Nyeem ib nqe Vajlugkub. Teem sijhawm rau lwm zaus, neb mam li kawm lo lus nug ob.

The Watchtower Tsib Hlis Ntuj, Tim 1

“Muaj coob tus kuj xav kom tej kev ntseeg koom tes nrog kev nom kev tswv, tiamsis lwm cov kuj tsis nyiam li ntawd thiab. Koj ho xav li cas txog qhov no? [Cia nws teb tas tso.] Cia wb nyeem seb Yexus coj li cas thaum cov pej xeem xav tsa nws ua nom. [Nyeem Yauhas 6:15.] Phau ntawv no yuav pab koj pom vim li cas Yexus tsis kam koom kev nom kev tswv. Thiab niaj hnub no cov Khixatia yuav ua li cas thiaj pab tau kwvtij zej zog tiag tiag.”

Awake! Tsib Hlis Ntuj

“Txhua tus uas peb ntsib yeej tau raug kev nyuaj siab los lawm, vim muaj lwm tus ua tsis ncaj rau lawv. Raws li koj xav, puas muaj leejtwg yuav daws tau tej teeb meem no? [Cia nws teb tas tso.] Cov nqe Vajlugkub no qhia txog ib tug vajntxwv uas yuav pab tau peb tiag. [Nyeem Ntawv Nkauj 72:11-14.] Phau ntawv no qhia txog phau Vajlugkub tej lus cog tseg rau yav tom ntej, tias yuav muaj kev ncaj ncees rau txhua qhov.”