Ua Qauv Qhia

Lub 7 Hli: Pib Kawm Vajlugkub Nrog Tibneeg Thawj Hnub 6

“Txhua tus yeej xav kom muaj siav ntev thiab nyob kaj siab lug. Wb xav nug koj seb koj xav li cas txog qhov no: Koj xav cov neeg kawm txuj kawm ci thiab tej tshuaj uas tsim tau puas yuav pab kom muaj ib hnub peb tau txojsia nyob mus ib txhis? [Cia nws teb tas tso] Kuv xav muab phau ntawv no rau koj saib.” Nthuav mus rau sab kawg nkaus hauv phau The Watchtower lub 7 Hli tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab Awake! pub rau nws, thiab teem sijhawm rov mus kawm lo lus nug 2.

Nco ntsoov: Siv tus qauv no los ua ib qho yeeb yam rau lub 7 Hli tim 6 thaum sawvdaws sib txoos mus qhia Vajlugkub.

The Watchtower Lub 7 Hli Tim 1

“Peb tau ntsib coob tus uas nyias muaj nyias ib txojkev ntseeg. Tiamsis ib txhia hais tias lawv tsis tso siab rau tej kev ntseeg lawm. Koj ho xav li cas txog kev ntseeg? [Cia nws teb tas tso] Yexus tau qhia tseg ib txojkev rau peb tshuaj xyuas tej kev ntseeg seb txoj twg yog txoj tseeb. [Nyeem Luka 6:44a.] Phau ntawv no tham txog tej txiv uas tej kev ntseeg txi. Thiab kuj teb lo lus nug no: Puas muaj ib txojkev ntseeg twg uas peb tso siab tau?”

Awake! Lub 7 Hli

“Peb tuaj nrog sawvdaws tham txog tej kev tsis ncaj ncees uas niaj hnub muaj. Tej txhia kuj yaum tsheej pab tibneeg sawv los tawm tsam txojkev tsis ncaj ncees. Koj xav lawv ua li no puas yuav kho tau kom muaj kev ncaj ncees? [Cia nws teb tas tso] Phau Vajlugkub qhia tias tsuas muaj ib tug thiaj kho tau tej kev tsis ncaj ncees no xwb. [Nyeem Mathai 6:9, 10] Phau ntawv no yuav qhia seb qhov uas tibneeg sawv tawm tsam puas pab tau ntiajteb muaj kev ncaj ncees.”

Vajtswv Muaj Xov Zoo Rau Peb!

“Peb tuaj saib cov neeg nyob ib ncig ntawm no es tham mentsis Vajlugkub los txhawb sawvdaws. Coob tus uas peb ntsib tau hais tias yog Vajtswv muaj kev hlub tiag vim li cas nws ho cia muaj kev txom nyem puv ntia lub ntiajteb. Koj xav puas yog Vajtswv yeej tsim tibneeg los muaj tej kev txom nyem zoo li no?” Cia nws teb tas tso. Nthuav mus rau Zaj 5, nyeem thiab tham thawj 2 nqes nrog rau cov nqe Vajlugkub uas sau qaij. Muab phau ntawv rau nws thiab teem sijhawm rau lwm zaus rov mus tham ntxiv txog lo lus nug 3 uas sau dub dub.