Ua Qauv Qhia

Lub 11 Hlis Ntuj: Pib Kawm Vajlugkub Nrog Tibneeg Thawj Hnub 6

“Peb sawvdaws feem coob yeej xav tau ib lub tseem fwv zoo. Ntawm koj ne, koj puas xav tau ib lub tseem fwv uas muaj peevxwm kho tau tibneeg tej teeb meem? [Cia nws teb tas tso.] Hauv phau ntawv no hais tias.” Muab phau The Watchtower, lub 11 Hlis, tim 1 rau nws saib. Nthuav rau sab 16, thiab kawm thawj lub ntsiab me ua ke. Nyeem ib nqes Vajlugkub. Teem sijhawm rau lwm zaus, neb mam li kawm lo lus nug 2.

The Watchtower Lub 11 Hlis Ntuj, Tim 1

“Peb xav paub seb koj ho xav li cas. Yog tias koj muaj peevxwm nug Vajtswv ib los, koj yuav nug txog dabtsi? [Cia nws teb tas tso.] Raws li Yexus tau hais, yeej tsis txhaum rau peb nug txog tej yam uas peb xav paub tiag tiag. [Nyeem Mathai 7:7.] Phau ntawv no siv phau Vajlugkub los teb 3 lo lus nug tseem ceeb no.” Muab cov lus nug hauv qab ntawm sab 3 rau tus tswv tsev saib.

Awake! Lub 11 Hlis Ntuj

“Niaj hnub no, peb pom tias cov tsev neeg uas muaj ib txhais yim, coob zuj zus tuaj ntxiv lawm xwb. Koj puas xav tias cov uas ib leeg niam ib leeg txiv, muaj kev nyuaj siab tshaj cov uas ob niam txiv puavleej nyob ua ke? [Cia nws teb tas tso.] Muaj cov niam txiv coob tus pom tias, phau Vajlugkub muaj kev cob qhia zoo heev rau tsev neeg. [Nyeem 2 Timaute 3:16.] Phau ntawv no yog sau los pab cov uas ib leeg niam ib leeg txiv, kom lawv muaj lub neej vam meej mus ntxiv.”