Ua Qauv Qhia

Phau Tsom Faj Lub 5 Hlis Tim 1

“Yog koj muaj hwjchim kho tau ib qho teeb meem hauv lub qab ntuj no, koj yuav kho qhov twg? [Cia nws teb tas tso.] Raws li phau Vajlugkub hais, tsis ntev tom ntej no Vajtswv yuav kho qhov teeb meem ko thiab tseem yuav kho ntau tshaj ntawd ntxiv. [Nyeem nqe Vajlugkub uas tham txog qho teeb meem ntawd, xws li Daniyee 2:44; Paj Lug 2:21, 22; Mathai 7:21-23; lossis 2 Petus 3:7.] Phau Tsom Faj no qhia tias Vajtswv yuav kho tej teeb meem ntawd thaum twg thiab nws yuav kho li cas.”

Phau Vajlugkub Qhia Txog Dabtsi Tiag?

“Coob leej yeej xav kom lawv tau lub neej noj qab nyob zoo laus nkoos. Tiamsis yog koj nyob tau mus ib txhis no, koj puas xav nyob? [Cia nws teb tas tso. Nyeem Qhia Tshwm 21:3, 4 thiab nqe 17 nyob sab 59.] Phau ntawv no qhia tias peb yuav tau ua li cas thiaj tau txojsia nyob mus ib txhis thiab lub neej ntawd yuav zoo npaum li cas.”

Kuv Phau Ntawv Txog Phau Vajlugkub

“Nyob zoo os. Kuv muaj phau ntawv no uas yog ib phau uas kuv pom tias zoo nyeem heev. Phau ntawv no pab tau cov niam txiv thiab cov menyuam paub txog Vajtswv tej lus cog tseg rau yav tom hauv ntej. [Nthuav mus rau Zaj 115 es nyeem kab kawg nkaus hauv nqe 1.] Koj puas xav tau ib phau rau koj cov menyuam lossis cov xeeb ntxwv nyeem?”