Ua Qauv Qhia

Lub 4 Hlis Ntuj: Pib Kawm Vajlugkub Nrog Tibneeg Thawj Hnub 6

“Peb xav txhawb kom sawvdaws nyeem phau Vajlugkub. Tiamsis coob leej ntau tus xav tias phau Vajlugkub tsis yoojyim nkag siab. Koj puas xav li ntawd thiab? [Cia nws teb tas tso.] Kuv xav muab phau ntawv no rau koj saib.” Muab phau The Watchtower lub 4 Hlis tim 1, rau nws saib lub khaum ntawm sab kawg nkaus. Tham thawj lo lus nug thiab nyeem ib nqes Vajlugkub ua ke. Muab phau The Watchtower thiab Awake! pub rau nws, thiab teem sijhawm rov mus kawm lo lus nug 2.

The Watchtower Lub 4 Hlis Ntuj, Tim 1

“Pom tias sawvdaws nyias muaj nyias ib qho kev nyuaj siab. Twb yog vim li ntawd coob leej thiaj xav paub tias lawv ua neej muaj qab hau dabtsi. Raws li koj xav, vim li cas nimno coob leej tsis txaus siab rau lub neej li? [Cia nws teb tas tso.] Phau Vajlugkub cog lus tias Vajtswv yuav tshem tawm peb tej teeb meem. [Nyeem Qhia Tshwm 21:4.] Phau ntawv no qhia tias peb tseem muaj chaw vam khom, thiab qhia tias peb yuav ua li cas peb lub neej thiaj muaj hauv paus hauv ntsis.”

Awake! Lub 4 Hlis Ntuj

“Thoob plaws lub ntiajteb, txawm yog hauv lub cuab lub yig los, ib leeg ua nruj ua tsiv rau ib leeg. Ib txhia hais tias yog tim lub teb lub chaw, lossis lawv cum neeg ib txwm coj li ntawd. Lwm cov hais tias yog tim lawv pheej saib tej kev sib ntaus sib tua hauv this vis (TV). Raws li koj xav, yog tim li cas? [Cia nws teb tas tso.] Phau Vajlugkub qhia tias ob niam txiv ib leeg yuav tsum saib taus ib leeg li cas. [Nyeem Efexau 5:33.] Phau ntawv no qhia txog cov uas tau xyaum coj raws li phau Vajlugkub tej hauv paus ntsiab lus, thiaj pab tau lawv kev txij nkawm nyob sib haum xeeb.”