Tej Uas Pab Kom Peb Txawj Ua Vajtswv Tes Num​—Qhia Vajlugkub Rau Tej Tsev Ua Haujlwm Thiab Tej Kiab Tej Khw

Vim Li Cas Ho Tseem Ceeb: Tibneeg feem coob nyob tom haujlwm ntau xwb, yog li ntawd, yuav kom lawv hnov txoj xov zoo peb yuav tsum mus qhia Vajlugkub rau lawv tom lawv qhov chaw ua haujlwm. Peb ntsib tau tibneeg dua yog peb mus qhia tom tej chaw ua haujlwm thiab tej kiab tej khw. Tsis tas li ntawd xwb, cov neeg ua haujlwm los, kuj ua zoo dua rau peb vim lawv xav tias peb yuav yuav lawv tej khoom. Yuav kom qhia tau rau tej chaw ua haujlwm, cov tshaj tawm yuav tsum paub xav thiab yuav tsum tu cev thiab hnav tsoos tsho kom zoo. (2Khl. 6:3) Vim li ntawd, tus saib xyuas kev qhia Vajlugkub yuav tsum saib seb leejtwg yuav mus qhia rau tej chaw ua haujlwm thiab tej kiab tej khw, thiab seb ib hlis yuav mus qhia pes tsawg zaus.