Cov Ua Tes Haujlwm Tho Kev Qhuas Tau Yehauvas

Yeej tsim nyog rau cov Yixalayees qhuas tej yam uas Yehauvas tau ua rau lawv. Vim li cas? Rau qhov nws cawm lawv tawm hauv tebchaws Iziv thiab ntawm Falaus pab tub rog. (Khiav Dim 15:1, 2) Niaj hnub no, Yehauvas tseem pab nws cov tibneeg qees. Ua li, peb puas nco nws txiaj ntsig?​—Phau Ntawv Nkauj 116:12.

Ib yam uas peb ua tau los qhia tias peb nco Yehauvas txiaj ntsig yog ua tes haujlwm tho kev lossis tes haujlwm pab tho kev. Peb yuav tau thov Vajtswv pab kom peb muaj lub siab xav mus qhia Vajlugkub li no thiab muaj zog ua taus tes haujlwm ntawd. (Filipis 2:13) Coob leej nyiam ua ib tug pab tho kev rau qhov nyob rau lub 3 Hlis thiab 4 Hlis, lossis thaum tus saib xyuas thaj tsam tuaj saib lub koom txoos, ib tug pab tho kev siv li 30 mus rau 50 teev qhia Vajlugkub xwb. Tom qab coob leej paub tias ua ib tug pab tho kev zoo npaum li cas, lawv kuj los ua tes haujlwm tho kev. Ib txhia tau ua ib tug tho kev txawm tias lawv muaj mob lossis siv sijhawm ntau mus khwv noj. (mwb16.07 8) Thaum peb txhawb nqa thiab qhuas Yehauvas li no, yeej tsis nkim peb lub zog li.​—1 Xwmtxheej Vajntxwv 16:25.

SAIB ZAJ YEEB YAJ KIAB PEB TUG MUAM HAUV MONKOLIAS, TOM QAB NTAWD TEB COV LUS NUG NO:

• 

  Muaj tej yam twg ua nyuaj rau 3 tug muam hauv Monkolias (Mongolia) ua tes haujlwm tho kev?

• 

  Vajtswv foom koob hmoov li cas rau lawv?

• 

  Vim lawv ua tes haujlwm tho kev, qhib tau txoj hau kev twg ntxiv rau lawv?

• 

  Qhov uas lawv rau siab ua Yehauvas tes haujlwm pab tau lwm tus li cas?