Cov Hluas, Cia Li Nrog Yehauvas Sib Raug Zoo

Koj nyiam nrog tej phoojywg kwvluag zoo li cas ua ke? Tej zaum koj yuav nyiam tus phoojywg uas npuab rawv koj thiab muaj lub siab dawb siab zoo. Yehauvas muaj tag nrho tej yeeb yam hais tas no. (Khiav Dim 34:6; Tes Haujlwm 14:17) Nws kuj mloog koj tej lus thov, thiab nws pab koj thaum koj xav tau kev pab. (Phau Ntawv Nkauj 18:19, 35) Ntxiv ntawd, nws zam koj tej kev txhaum. (1 Yauhas 1:9) Ua cas Yehauvas yuav zoo ua luaj!

Yog li ntawd, koj yuav ua li cas thiaj nrog tau Yehauvas sib raug zoo? Koj yuav tau nyeem nws Txojlus thiab qhib siab lug rau nws. (Phau Ntawv Nkauj 62:8; 142:2) Ntxiv ntawd, tej uas Yehauvas saib muaj nuj nqis yuav tsum tseem ceeb rau koj ib yam nkaus. Xws li nws Leej Tub, nws lub tseem fwv, thiab tej yam nws cog tseg rau yav tom hauv ntej. Tsis tas li ntawd, nco ntsoov muab nws piav qhia rau lwm tus. (2 Kevcai 32:3) Yog koj nrog Yehauvas sib raug zoo, nws yuav nrog koj sib raug zoo mus ib txhis.​—Phau Ntawv Nkauj 73:25, 26, 28.

SAIB ZAJ YEEB YAJ KIAB COV HLUAS, CIA LI SIM YEHAUVAS VIM NWS ZOO KAWG NKAUS LI TOM QAB NTAWD NUG LI NO:

• 

  Ua ntej muab koj lub neej cob rau Yehauvas thiab ua kevcai raus dej, koj yuav tau ua li cas?

• 

  Koj lub koom txoos yuav pab tau koj teev tiam Yehauvas li cas?

• 

  Txojkev tshaj tawm txhawb koj txojkev sib raug zoo nrog Yehauvas li cas?

• 

  Koj ua tau yam haujlwm twg pub rau Yehauvas?

• Koj ris Yehauvas txiaj ntsig rau seem twg?