Tej Uas Peb Kawm Tau Los Ntawm Xamuyees Lub Neej

Xamuyees npuab siab rawv rau Yehauvas tag nws sim neej. Thaum nws tseem yau nws tsis nrog Elis thiab Elis ob tug tub ua txhaum. (1 Xamuyees 2:22-26) Thaum nws loj hlob tuaj Yehauvas yeej nrog nraim nws. (1 Xamuyees 3:19) Thiab thaum nws laus lawm es nws ob tug tub tsis coj raws li Yehauvas tej kevcai los nws yeej tseem taug nraim Yehauvas txoj kab ke.​—1 Xamuyees 8:1-5.

Peb kawm tau li cas los ntawm Xamuyees? Yog tias koj tseem hluas nco ntsoov tias Yehauvas yeej to taub txog koj tej kev nyuaj siab thiab tej yam uas koj raug. Nws yeej yuav pab kom koj ua tau lub siab tuab. (Yaxayas 41:10, 13) Hos cov ua niam ua txiv, yog tias nej muaj ib tug menyuam uas tso Yehauvas tseg lawm, Xamuyees tus qauv kuj pab tau nej thiab. Nco ntsoov tias Xamuyees kiag los twb yuam tsis tau nws ob tug tub pe hawm Yehauvas. Nws muab txhua yam tso rau Yehauvas ua tus saib xyuas thiab nws tuav rawv nws txojkev ntseeg. Yog nej coj zoo tej zaum yav tom ntej nej tus menyuam tseem yuav rov los cuag Yehauvas dua thiab.

SAIB ZAJ YEEB YAJ KIAB XAMUYEES TUS QAUV PAB TAU PEB LI CAS CES TEB COV LUS NUG NO:

• 

  Thaum Xamuyees tseem yau nws ua tau lub siab tuab li cas?

• 

  Leej ua li cas qhia tias nws muaj lub siab tuab?

• 

  Thaum Xamuyees laus lawm nws tseg tau tus qauv zoo li cas rau peb xyaum?

• 

  Leej niam thiab txiv tseg tau tus qauv zoo li cas?