Pab Cov Koj Qhia Kom Lawv Coj Lub Neej Dawb Huv

Tsuas yog cov uas coj raws li Yehauvas lub siab nyiam xwb thiaj yuav muaj ib txojkev sib raug zoo nrog nws. (1 Petus 1:14-16) Thaum cov kawm Vajlugkub tso kev phem tseg lawv yuav noj qab nyob zoo, txuag tau nyiaj thiab lawv tsev neeg yuav muaj kev kaj siab.

Ua tib zoo piav rau cov kawm tias Yehauvas yog ib tug Vajtswv uas dawb huv. Yog lawv coj raws li nws tej kevcai ces lawv yuav tau ib lub neej zoo xwb. Pab cov uas koj qhia kom lawv paub cais qhov zoo ntawm qhov phem. Thaum lawv paub lawm lawv thiaj yuav hloov tau lawv lub neej. (Efexus 4:22-24) Qhia lawv tias Yehauvas yeej pab tau lawv tso tej kev phem kev qias uas lawv ib txwm ua tseg. (Filipis 4:13) Hais kom lawv thov Yehauvas tiag thaum lawv muaj lub siab xav rov mus ua txhaum. Qhia kom lawv paub zam tej kev sim siab uas yuav ntxias tau lawv. Txhawb kom lawv muab tej yam zoo los hloov tej yam phem. Koj yuav zoo siab heev thaum koj pom Yehauvas pab cov uas koj qhia hloov lawv lub neej.

SAIB ZAJ YEEB YAJ KIAB PAB COV KOJ QHIA KOM LAWV COJ LUB NEEJ DAWB HUV, TOM QAB SAIB TAG TEB COV LUS NUG NO:

• 

  Ua cas peb thiaj paub tias cov txwj laug thiab Maiv Xis yeej cia siab tias Iab yuav ua qhov yog?

• 

  Maiv Xis pab Iab li cas ntxiv?

• 

  Iab nrhiav kev pab ntawm Yehauvas li cas?