Pab Cov Koj Qhia Kom Lawv Nrog Yehauvas Sib Raug Zoo

Yehauvas xav kom peb teev tiam nws vim peb hlub nws. (Mathais 22:37, 38) Txojkev hlub yuav pab cov kawm hloov tau lawv lub neej thiab sawv ruaj nreeg thaum raug sim. (1 Yauhas 5:3) Thiab txojkev hlub yuav pab kom lawv muab lawv tus kheej cob rau Yehauvas thiab ua kevcai raus dej.

Pab cov uas koj qhia kom lawv pom Yehauvas txojkev hlub. Nug lawv li no: “Koj kawm tau li cas txog Yehauvas?” lossis “Tej uas koj kawm puas pab koj pom Vajtswv txojkev hlub rau koj?” Pab cov uas koj qhia kom lawv pom tias Yehauvas yeej pab lawv tiag. (2 Xwmtxheej Vajntxwv 16:9) Qhia tus kawm txog tej uas Yehauvas twb ua los pab koj lawm thiab kom nws ua tib zoo mloog seb Yehauvas teb nws li cas. Peb yuav zoo siab heev thaum cov uas peb qhia hlub Yehauvas thiab pom tias Yehauvas hlub lawv heev.

SAIB ZAJ YEEB YAJ KIAB PAB COV KOJ QHIA KOM LAWV NROG YEHAUVAS SIB RAUG ZOO, TOM QAB SAIB TAG TEB COV LUS NUG NO:

• 

  Iab raug sim li cas?

• 

  Maiv Xis pab Iab li cas?

• 

  Iab ua li cas nws thiaj kov yeej nws txojkev ntxhov siab?