LUB NEEJ KHIXATIA

Pab Cov Uas Tsis Coj Ib Txoj Kev Ntseeg Twg Los Paub Tus Tswv Tsim

Koj puas tau xav tias, txawm koj qhia Vajlugkub rau ib tug uas tsis muaj ib txoj kev ntseeg twg los nws yeej yuav tsis ntseeg? Yog koj xav li ntawd, nco ntsoov tias twb muaj ib co uas tsis muaj ib txoj kev ntseeg twg los teev tiam Yehauvas lawm. Tej thaud, peb yuav tau muab Vajtswv Txoj Lus los qhia lawv kom lawv paub tias yeej muaj tus Tswv Tsim tiag.—Loos 1:20; 10:14.

SAIB ZAJ YEEB YAJ KIAB COV IB TXWM TSIS MUAJ KEV NTSEEG YEEJ HLOOV TAU—COV TSIS COJ IB TXOJKEV NTSEEG TWG, TOM QAB SAIB TAG TEB LO LUS NUG NO:

Thaumaxaus (Tommaso) tus qauv pab tau koj li cas?

Lus teb

Koj yuav ua li cas

Yog muaj ib tug hais rau koj tias nws tsis ntseeg tias muaj Vajtswv, ua siab zoo thiab nug seb vim li cas nws thiaj xav li ntawd. (2 Timautes 2:24) Tham txog tej ntsiab lus uas ntxim li nws yuav nyiam. Yog nws kam tham txog tej pov thawj uas qhia tias yeej muaj tus Tswv Tsim tiag ces siv cov ntaub ntawv thiab yeeb yaj kiab ntsig txog lub ntsiab ntawd rau nws. Tau muab phau ntawv me Was Life Created? thiab phau The Origin of Life—Five Questions Worth Asking tso rau hauv Cov Twj Mus Ua Vajtswv Tes Num kom yooj yim mus nrhiav.

Yog hais tias koj ntshai tham nrog ib tug neeg uas tsis ntseeg tias muaj Vajtswv, koj kuj hais kom ib tug uas txawj mus tshaj tawm pab koj. Thiab nco ntsoov tias Yehauvas yuav pab kom koj mus nrhiav tau cov uas muaj lub siab xib rau nws, tab txawm tias thaum xub thawj lawv tsis ntseeg tias muaj Vajtswv tiag.—Tes Haujlwm 13:48.