Mus Tshawb Nrhiav

Kawm Yam Twg Ua Ntej?

Peb tsuas sej tau me ntsis sij hawm los nyob peb ib leeg kawm Vajlugkub. Yog li ntawd, yuav ua li cas peb thiaj yuav siv tau lub sij hawm ntawd kom muaj nuj nqis? Nco ntsoov tsis txhob maj maj. Yog koj kawm qho me ntsis ces koj yuav nco tau zoo dua li nyeem tsawg tsuag kom tag.

Zoo rau koj ua tib zoo saib seb yam twg zoo kawm ua ntej. (Efexus 5:15, 16) Tej zaum cov ntsiab no yuav pab tau koj:

• Nyeem phau Vajlugkub txhua hnub. (Phau Ntawv Nkauj 1:2) Yog koj xav xyaum ua li no, zoo rau koj nyeem cov nqe Vajlugkub uas tau teem tseg rau txoj Kev Sib Txoos 1.

• Npaj rau hnub kawm Phau Tsom Faj thiab rau txoj Kev Sib Txoos 1. Nco ntsoov npaj lus teb rau kev sib txoos.​—Phau Ntawv Nkauj 22:22.

• Yog koj muaj sij hawm ntxiv, mus nyeem thiab saib lwm cov ntaub ntawv xws li Phau Tsom Faj tseb tawm, phau Tsim Dheev!, tej yeeb yaj kiab, thiab lwm yam ntaub ntawv uas nyob rau hauv lub vej xaij jw.org/hmn.

• Mus tshawb nrhiav ib lub ntsiab. Koj mus tshawb nrhiav tau tej yam uas koj tab tom raug, tej lus nug uas koj muaj los sis tej yam uas koj xav paub hauv phau Vajlugkub.