Qhia Tej Koj Kawm Rau Lwm Tus

Thaum peb kawm Vajlugkub rau peb tus kheej mas ua rau peb kaj siab kawg li. Yog peb muab tej peb kawm qhia rau lwm tus mas peb tseem huab yam yuav kaj siab. Nyob rau hauv Pajlug 11:25 hais tias yog peb txhawb lwm tus ces kuj yuav rov txhawb tau peb thiab.

Thaum peb muab tej uas peb kawm tau qhia rau lwm tus ces yuav pab tau kom peb nco tau zoo dua thiab yim huab nkag siab tej uas peb kawm. Yog peb paub tias qhov uas peb kawm tau ntawd yuav pab tau lwm tus ces peb yuav zoo siab hlo muab qhia rau lawv paub.​—Tes Hauj Lwm 20:35.

Xyaum li no: Lub lim tiam yuav tuaj no, muab ib yam uas koj kawm tau qhia rau lwm tus paub. Tsis hais ib tug hauv koj tsev neeg, hauv lub koom txoos, tom chaw ua hauj lwm, tom tsev kawm ntawv, tej neeg zej zog los sis ib tug uas koj ntsib thaum mus tshaj tawm txoj xov zoo. Thaum koj piav, ua tib zoo piav tawm plaws hauv nruab siab tuaj kom meej meej xwv lawv thiaj nkag siab.

Nco ntsoov li no: Thaum koj piav txog tej koj kawm, tsis txhob hais kom ua rau luag qhuas tiam sis hais los mus txhawb lawv xwb.​—1 Kauleethaus 8:1.