Cia Li Sib Zam Txim

1. Yehauvas hlub tshua neeg,

Nws thiaj tso Leej Tub los theej.

Vajtswv thiaj zam tau peb lub txim,

Tshem kev tuag kom txhob muaj ntxiv.

Yog tias peb tig ntawm tej kev txhaum,

Vajtswv thiaj li yuav zam tau.

Nco ntsoov tuav Tswv Yexus lub npe,

Thov kom Yehauvas zam peb.

2. Peb xyaum txojkev khuvleej,

Thiaj li zam txim rau txhua leej.

Peb yuav tau rub lub siab ntuj ntev,

Hlub sawvdaws rau txhua txojke.

Peb ib leeg zam ib leeg lub txim,

Txhob muab txhua yam tsav khaws chim.

Peb yuav tau sib tham kom sib haum,

Txojkev hlub thiaj yuav tsis xaus.

3. Kev khuvleej tseem ceeb heev,

Nco ntsoov xyaum hauv peb lub neej.

Ces yuav pab tau peb txawj sib hlub,

Thiaj tsis muaj txojkev sib ntxub.

Cia li nco ntsoov xyaum Yehauvas,

Tus Vajtswv muaj kev hlub tshaj.

Thaum txhua tus txawj sib hlub sib zam,

Peb thiaj coj li Yehauvas.