Zaj Nkauj 35
Nco Vajtswv Tshav Ntuj Rau Nws Lub Siab Ntev
(2 Petus 3:15)
1. Vajtswv Yehauvas, tus muaj zog tshaj,
Koj tau qhia tias koj nyiam qhov ncaj.
Kev limhiam nyob puv ntiajteb ntia,
Tej no yeej ua rau koj tu siab.
Koj yeej tsis sej sijhawm li neeg cem;
Twb yuav txog caij koj rhuav tshem kev phem.
Peb vam thiab tso siab rau koj tshaj,
Ua tsaug rau koj lub siab ntev siab ncaj.
2. Ib txhiab xyoo nyob hauv lub ntiajteb no,
Tsuas ntev li ib nyuag hnub rau koj.
Koj hnub tseem ceeb twb los yuav txog;
Hnub ntawd yeej tsis muaj yuav ncua tos.
Txawm tias txojkev txhaum koj yeej tsis nyiam,
Koj zoo siab thaum tus txhaum ntxeev dua siab.
Peb vam ntsoov lub neej tom hauv ntej,
Nco koj tshav ntuj thiab qhuas koj lub npe.
(Rho ntawm Lk. 15:7; 2Pt. 3:8, 9.)