10 “Danu emui moale negadiai,+ hegeregere emui aria idauidau+ bona hua matamatadia ai, emui gabua boubou+ bona maino karaia boubou+ vairanai kibi do umui hiriridia, unai kibi regena dainai lau, emui Dirava, ese umui do lau laloatao. Lau be Iehova emui Dirava.”+

31 Sabati dinadia ai, hua matamata ta ta ai,+ bona aria negadia ai+ Iehova dekenai gabua boubou idia henia neganai,+ unai Levi taudia be heduru idia henia, taravatu ai idia gwauraia hegeregerena. Bona nega ibounai Iehova ena vairanai unai bamona idia karaia.

4 Unai dainai lau ura Iehova egu Dirava ena ladana totona ruma ta lau haginia, ia dekenai do lau hahelagaia, iena vairanai bonana namo muramura do lau gabua,+ bona paraoa helagana*+ bona gabua bouboudia do lau henia, daba ai bona adorahi momokani ai,+ Sabati dinadia ai,+ hua matamata ta ta ai,+ bona Iehova Dirava ena aria negadia ai.+ Inai be Israela taudia ese do idia karaia ela bona hanaihanai.

32 Ma danu, ita be gwauhamata ta ita karaia lagani ta ta ai 4 siliva gram* be iseda Dirava ena ruma ena hesiai gaukara totona ita henia,+ 33 inai gaudia ita karaia totona: Paraoa helagana,*+ hanaihanai idia henia aniani boubou,+ hanaihanai Sabati+ bona hua matamata+ ai idia henia gabua boubou, bona aria idauidau totona,+ helaga gaudia totona, Israela taudia edia kara dika davana karaia totona idia henia bouboudia,+ bona iseda Dirava ena ruma ai idia karaia gaukara ibounai totona.