Rau Namba 2

“TANOBADA taudia edia kahana 5 amo, kahirakahira kahana tamona be matamata taudia bona edia lagani be 15 ia lao 24.” UN Chronicle magasin be unai bamona ia hereva. Idia laloa lagani 1990 lalonai, tanobada ena matamata taudia edia namba be tausen milion tamona! Hari inai nega ena matamata taudia be momo​—unai orea be mai siahu bada bona ita laloa be namo.

Psychology Today magasin be tano 10 dekenai, memero bona kekeni 6,000 idia henanadai henidia. Idia davaria, ena be edia noho dalana moni dekenai bona edia kastom be idauidau momokani, to matamata taudia edia lalohadai bona idia laloa bada gaudia be “nega momo idia tamona.” Unai henanadai edia haere amo, hari inai nega ena matamata taudia edia noho toana ita itaia diba, bona reana ia hahedinaraia gaudia dainai do oi hoa bada.